കണ്ണാടി പെണ്ണേ പാട്ടിന് റീൽസ് ചെയ്യാം സമ്മാനമായി പതിനായിരം രൂപ സ്പ്രിംഗ് റീൽസ് ചലഞ്ച് പ്രഖ്യാപിച്ചു
ആദിൽ ഇബ്രാഹിം, ആരാധ്യ ആൻ എന്നിവരെ പ്രധാന കഥാപാത്രങ്ങളാക്കി ശ്രീലാൽ നാരായണൻ സംവിധാനം ചെയ്യുന്ന സ്പ്രിംഗ് ഒക്ടോബർ 30 ന് തിയേറ്ററുകളിലെത്തുന്നു. റിലീസിനോടനുബന്ധിച്ച് പ്രേക്ഷകർക്കായി റീൽസ് മത്സരവും പ്രഖ്യാപിച്ചു.
സ്പ്രിംഗ്' റീൽസ് ചലഞ്ച്: വിജയിക്ക് 10,000 രൂപ സമ്മാനം; ചിത്രം ഒക്ടോബർ 30-ന് തിയേറ്ററുകളിലേക്ക്
കൊച്ചി: ത്രില്ലറിനൊപ്പം പ്രണയവും പ്രതികാരവും കോർത്തിണക്കി ഒരുക്കിയ പുതിയ ചിത്രം 'സ്പ്രിംഗ്' ഒക്ടോബർ 30-ന് തിയേറ്ററുകളിലെത്തുന്നു. ചിത്രത്തിന്റെ റിലീസിനോടനുബന്ധിച്ച് സിനിമാസ്വാദകർക്കായി ആകർഷകമായ റീൽസ് മത്സരമാണ് അണിയറപ്രവർത്തകർ പ്രഖ്യാപിച്ചിരിക്കുന്നത്.
ചിത്രത്തിലെ "കണ്ണാടി പെണ്ണേ" എന്ന ജനപ്രിയ ഗാനം ഉപയോഗിച്ച് റീൽസ് ചെയ്ത് അണിയറപ്രവർത്തകരുടെ പേജുമായി കൊളാബ് (Collab) ആയി പോസ്റ്റ് ചെയ്യുന്നവർക്കാണ് സമ്മാനം നേടാൻ അവസരം. ഏറ്റവും കൂടുതൽ റീച്ച് നേടുന്ന ഒന്നാം സ്ഥാനക്കാരന് 10,000 രൂപ ക്യാഷ് പ്രൈസ് ലഭിക്കും.
യുവതാരങ്ങളായ ആദിൽ ഇബ്രാഹിം, ആരാധ്യ ആൻ, യാമി സോന എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ബദുഷാസ് സിൽവർ സ്ക്രീൻ എന്റർടെയ്ൻമെന്റ്, ലൈം ടീ പ്രൊഡക്ഷൻസ് എന്നീ ബാനറുകളിൽ മഞ്ജു ബാദുഷ, ഷാഹുൽ ഹമീദ്, ശ്രീലാൽ എം.എൻ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. നവാഗതനായ ശ്രീലാൽ നാരായണനാണ് ചിത്രത്തിന്റെ രചനയും സംവിധാനവും നിർവ്വഹിച്ചിരിക്കുന്നത്.
പന്ത്രണ്ട് വർഷത്തോളമായി പ്രമുഖ ബ്രാൻഡുകളുടെ പരസ്യസംവിധായകനായി പ്രവർത്തി പരിചയമുള്ളയാളാണ് ശ്രീലാൽ. 80 ശതമാനം ശാരീരിക വൈകല്യങ്ങളെ തരണം ചെയ്താണ് അദ്ദേഹം തന്റെ കന്നി ചിത്രം പ്രേക്ഷകരിലേക്ക് എത്തിക്കുന്നത്.
ഉണ്ണി ലാലു, പൂജിത മേനോൻ, ബിറ്റോ ഡേവിസ്, ബാലാജി, ചെമ്പിൽ അശോകൻ, വിനീത് തട്ടിൽ, ഉണ്ണി രാജ എന്നിവരാണ് ചിത്രത്തിലെ മറ്റ് പ്രധാന അഭിനേതാക്കൾ. സുനിൽ ജി. പ്രകാശൻ എക്സിക്യൂട്ടീവ് പ്രൊഡ്യൂസറായ ചിത്രത്തിന്റെ ഛായാഗ്രഹണം സിനോജ് അയ്യപ്പനും സംഗീതം അലോഷ്യ പീറ്ററും നിർവ്വഹിക്കുന്നു.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
