​ജി.വി. പ്രകാശ്, കയാദു ലോഹർ ചിത്രം ഇമ്മോർട്ടൽ നാളെ തിയേറ്ററുകളിലേക്ക്

​ജി.വി. പ്രകാശ് - കയാദു ലോഹർ കൂട്ടുകെട്ടിൽ ഹൊറർ ചിത്രം 'ഇമ്മോർട്ടൽ' നാളെ തിയേറ്ററുകളിലേക്ക്

കൊച്ചി:​  ജി.വി. പ്രകാശ് കുമാറും കയാദു ലോഹാറും കേന്ദ്രകഥാപാത്രങ്ങളായെത്തുന്ന ഏറ്റവും പുതിയ തമിഴ് ചിത്രം 'ഇമ്മോര്‍ട്ടല്‍' റിലീസിന് ഒരുങ്ങി. സെന്‍സര്‍ ബോര്‍ഡില്‍ നിന്ന് യു/എ (U/A) സര്‍ട്ടിഫിക്കേറ്റ് കരസ്ഥമാക്കിയ ചിത്രം നാളെ (സെപ്തംബർ 04) തിയേറ്ററുകളിലേക്ക് എത്തും. ജി.വി. പ്രകാശും കയാദു ലോഹാറും ആദ്യമായി ഒന്നിച്ചഭിനയിക്കുന്നു എന്ന പ്രത്യേകതയും ഈ ചിത്രത്തിനുണ്ട്.

​മാരിയപ്പന്‍ ചിന്ന രചനയും സംവിധാനവും നിര്‍വഹിച്ച ഈ ഹൊറർ ത്രില്ലർ ചിത്രത്തിന് സംഗീതം പകർന്നിരിക്കുന്നത് സാം സി.എസ് ആണ്. ടി.എം. കാര്‍ത്തിക്, കുമാര്‍ നടരാജന്‍, ലൊല്ലു സഭാ മാരന്‍, ആദിത്യ കതിര്‍, അര്‍ഷു മഹാരാജന്‍, പെമ സാംചോ, സുനിത ശ്രേഷ്ഠ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.

​എ.കെ. ഫിലിം ഫാക്ടറിയുടെ ബാനറില്‍ അരുണ്‍കുമാര്‍ ധനശേഖരന്‍ ആണ് ചിത്രം നിര്‍മിക്കുന്നത്. അരുണ്‍ രാധാകൃഷ്ണൻ ഛായാഗ്രഹണവും രാജേഷ് എം. എഡിറ്റിംഗും നിര്‍വഹിക്കുന്നു. ചിത്രം കേരളത്തിൽ വിതരണത്തിനെത്തിക്കുന്നത് ബ്ലൂം ഇന്റർനാഷണലിൻ്റെ ബാനറിൽ വേണുഗോപാലകൃഷ്ണൻ ആണ്.

​ചിത്രത്തിന്റെ അണിയറപ്രവർത്തകർ:

​കലാസംവിധാനം: ശിവ ശങ്കർ

​ആക്ഷൻ കൊറിയോഗ്രാഫി: ശക്തി ശരവണൻ

​പബ്ലിസിറ്റി ഡിസൈൻ: ഗോപി പ്രസന്ന

​നൃത്തസംവിധാനം: ശബരീഷ്

​വസ്ത്രാലങ്കാരം: വൈനോദ് സുന്ദർ, തമിഴ്സെൽവൻ യു

​കോസ്റ്റ്യൂം: രവി ദേവരാജ്

​മേക്കപ്പ്: പി. മാരിയപ്പൻ

​കളർ ഗ്രേഡിംഗ്: ശ്രീറാം (ഗെറ്റ് ഇൻ ഡ്രീം സ്റ്റുഡിയോ)

​വിഎഫ്എക്സ് (VFX): ആർ. മഹി

​സ്റ്റിൽസ്: ഇ. രാജേന്ദ്രൻ