കുളമാവ് ജവഹര് നവോദയ വിദ്യാലയത്തില് എന്സിസി അഖിലേന്ത്യാ ട്രെക്കിംഗ് ക്യാമ്പിന് തുടക്കം 
പൂജ അവധിക്കാലത്ത് ഹൗസ് ഫുൾ മൂന്നാറിലെ കെ.എസ്.ആർ.ടി.സി ഡബിൾ ഡെക്കറിന് റെക്കോർഡ് വരുമാനം 
കെ.എസ്.ആർ.ടി.സി മുങ്ങുന്ന കപ്പലല്ല, ഉദിച്ചുയരുന്ന സ്ഥാപനമാക്കും മന്ത്രി സി.പി. ജോൺ 
കെ.എസ്.ആര്.ടി.സിയില് പൊതുജന പങ്കാളിത്തത്തോടെ സര്വീസുകളും അടിസ്ഥാന സൗകര്യങ്ങളും വിപുലീകരിക്കും മന്ത്രി സി.പി. ജോണ് 
സ്കൂൾ കായികമേളയ്ക്ക് ഹരിത വരവേൽപ്പ് കൗതുകമായി വല്ലം മെടയൽ മത്സരം 
ആശുപത്രികളിലെ സൗകര്യങ്ങള് വര്ധിപ്പിക്കുക സര്ക്കാര് നിലപാട് മന്ത്രി കെ മുരളീധരന് കക്കയം കുടുംബ ആരോഗ്യ കേന്ദ്രത്തിന് അത്യാധുനിക മന്ദിരം മന്ത്രി കെ. മുരളീധരൻ ഇന്ന് ഉദ്ഘാടനം ചെയ്യും
കൂരാച്ചുണ്ട് ഗ്രാമപഞ്ചായത്തിലെ കക്കയം കുടുംബ ആരോഗ്യ കേന്ദ്രത്തിന് എൻ.എച്ച്.എം, ആർദ്രം മിഷൻ ഫണ്ട് ഉപയോഗിച്ച് നിർമ്മിച്ച അത്യാധുനിക പുതിയ കെട്ടിടത്തിന്റെ ഉദ്ഘാടനം ഇന്ന് (ഒക്ടോബർ 22) രാവിലെ 11 ന് ആരോഗ്യ വകുപ്പ് മന്ത്രി കെ. മുരളീധരൻ നിർവ്വഹിക്കും
Mathew P M 
കക്കയം കുടുംബ ആരോഗ്യ കേന്ദ്രത്തിന് പുതിയ കെട്ടിടം; മന്ത്രി കെ. മുരളീധരൻ ഇന്ന് ഉദ്ഘാടനം ചെയ്യും
കോഴിക്കോട്: കൂരാച്ചുണ്ട് ഗ്രാമപഞ്ചായത്തിലെ കക്കയം കുടുംബ ആരോഗ്യ കേന്ദ്രത്തിന്റെ പുതിയ കെട്ടിടം ഇന്ന് (ഒക്ടോബർ 22) ജനങ്ങൾക്ക് തുറന്നുകൊടുക്കും. രാവിലെ 11 മണിക്ക് നടക്കുന്ന ചടങ്ങിൽ ആരോഗ്യ വകുപ്പ് മന്ത്രി കെ. മുരളീധരൻ കെട്ടിടത്തിന്റെ ഉദ്ഘാടനം നിർവ്വഹിക്കും.
എം.കെ. രാഘവൻ എം.പി മുഖ്യാതിഥിയാകുന്ന ചടങ്ങിൽ വി.ടി. സൂരജ് എം.എൽ.എ അധ്യക്ഷത വഹിക്കും.
ദേശീയ ആരോഗ്യ ദൗത്യം (NHM) ROP ഫണ്ടും ആർദ്രം മിഷനും സംയോജിപ്പിച്ചാണ് അത്യാധുനിക സൗകര്യങ്ങളോടെ പുതിയ കെട്ടിടത്തിന്റെ നിർമ്മാണം പൂർത്തിയാക്കിയത്. രോഗികൾക്കായി വിപുലമായ സൗകര്യങ്ങളാണ് ഇവിടെ സജ്ജീകരിച്ചിരിക്കുന്നത്:
രണ്ട് ഒ.പി (OP) മുറികൾ
സ്വീകരണ മുറി (Reception) & പ്രീ-ചെക്കിങ് റൂം
നഴ്സിംഗ് സ്റ്റേഷൻ & ഫാർമസി
ലാബ് സൗകര്യം
പൊതുജനാരോഗ്യ വിഭാഗം & പ്രതിരോധ കുത്തിവെപ്പ് മുറി (Immunization Room)
ശുചിമുറികൾ, റാമ്പ്, കുടിവെള്ള സൗകര്യം
ചടങ്ങിൽ ജില്ലാ പഞ്ചായത്ത് പ്രസിഡന്റ് മില്ലി മോഹൻ, ബാലുശ്ശേരി ബ്ലോക്ക് പഞ്ചായത്ത് പ്രസിഡന്റ് ഇസ്മയിൽ കുറുമ്പൊയിൽ, കൂരാച്ചുണ്ട് ഗ്രാമപഞ്ചായത്ത് പ്രസിഡന്റ് സിനി ജിനോ, വൈസ് പ്രസിഡന്റ് ബിജു കടലാശ്ശേരി, ഗ്രാമപഞ്ചായത്ത് സ്ഥിരം സമിതി അധ്യക്ഷന്മാർ, ജില്ലാ മെഡിക്കൽ ഓഫീസർ (DMO) ഡോ. എൽ.ടി. സരിത കുമാരി, ആരോഗ്യ കേരളം ജില്ലാ പ്രോഗ്രാം മാനേജർ ഡോ. സി.കെ. അഫ്സൽ, മറ്റ് ജനപ്രതിനിധികൾ, രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുക്കും.
