കുളമാവ് ജവഹര് നവോദയ വിദ്യാലയത്തില് എന്സിസി അഖിലേന്ത്യാ ട്രെക്കിംഗ് ക്യാമ്പിന് തുടക്കം 
പൂജ അവധിക്കാലത്ത് ഹൗസ് ഫുൾ മൂന്നാറിലെ കെ.എസ്.ആർ.ടി.സി ഡബിൾ ഡെക്കറിന് റെക്കോർഡ് വരുമാനം 
കെ.എസ്.ആർ.ടി.സി മുങ്ങുന്ന കപ്പലല്ല, ഉദിച്ചുയരുന്ന സ്ഥാപനമാക്കും മന്ത്രി സി.പി. ജോൺ 
കെ.എസ്.ആര്.ടി.സിയില് പൊതുജന പങ്കാളിത്തത്തോടെ സര്വീസുകളും അടിസ്ഥാന സൗകര്യങ്ങളും വിപുലീകരിക്കും മന്ത്രി സി.പി. ജോണ് 
സ്കൂൾ കായികമേളയ്ക്ക് ഹരിത വരവേൽപ്പ് കൗതുകമായി വല്ലം മെടയൽ മത്സരം 
ആശുപത്രികളിലെ സൗകര്യങ്ങള് വര്ധിപ്പിക്കുക സര്ക്കാര് നിലപാട് മന്ത്രി കെ മുരളീധരന് പോലീസിനു നേരെ വധശ്രമം കുപ്രസിദ്ധ റൗഡികൾ അടങ്ങുന്ന സംഘം അറസ്റ്റിൽ
എളങ്കുന്നപ്പുഴയിലെ പെട്രോൾ പമ്പിൽ അടിപിടി തടയാനെത്തിയ പോലീസുകാരെ കുത്തിപ്പരിക്കേൽപ്പിച്ച സംഭവത്തിൽ കുപ്രസിദ്ധ ഗുണ്ട പ്രജിത്ത് ഉൾപ്പെടെ മൂന്നുപേരെ ഞാറയ്ക്കൽ പോലീസ് അറസ്റ്റ് ചെയ്തു.
Abu TA 
എളങ്കുന്നപ്പുഴയിൽ പോലീസുകാർക്ക് നേരെ ആക്രമണം: എസ്.ഐ ഉൾപ്പെടെ രണ്ടുപേർക്ക് കുത്തേറ്റു; മൂന്നുപേർ പിടിയിൽ
ഞാറയ്ക്കൽ: എളങ്കുന്നപ്പുഴയിലെ പെട്രോൾ പമ്പിൽ ക്രമസമാധാന പാലനത്തിനെത്തിയ പോലീസ് ഉദ്യോഗസ്ഥരെ മാരകായുധങ്ങളുമായി ആക്രമിച്ച് പരിക്കേൽപ്പിച്ച കേസിൽ മൂന്നുപേരെ ഞാറയ്ക്കൽ പോലീസ് അറസ്റ്റ് ചെയ്തു. ഞാറയ്ക്കൽ വളകടവ് വട്ടത്തറ വീട്ടിൽ പ്രജിത്ത് (മുന്ന - 35), ഇയാളുടെ സഹോദരൻ പ്രജീഷ് (36), കടമക്കുടി നികത്തിത്തറ വീട്ടിൽ രാഗിൻ (32) എന്നിവരാണ് പിടിയിലായത്.
ചൊവ്വാഴ്ച രാത്രി എളങ്കുന്നപ്പുഴ ഭാഗത്തുള്ള പെട്രോൾ പമ്പിലായിരുന്നു സംഭവം. പമ്പിൽ ഒരു സംഘം ആളുകൾ തമ്മിൽ അടിപിടി നടക്കുന്നുണ്ടെന്ന വിവരമറിഞ്ഞാണ് ഞാറയ്ക്കൽ പോലീസ് സ്ഥലത്തെത്തിയത്. തുടർന്ന് പ്രശ്നം പരിഹരിക്കാൻ ശ്രമിച്ച എസ്.ഐ ജിതിൻ, പോലീസ് ഉദ്യോഗസ്ഥനായ രഗീഷ് എന്നിവർക്ക് നേരെ പ്രതികൾ അക്രമം അഴിച്ചുവിടുകയായിരുന്നു. ഉദ്യോഗസ്ഥരെ വടികൊണ്ടടിക്കുകയും മാരകമായി കുത്തിപ്പരിക്കേൽപ്പിക്കുകയും ചെയ്തു. ഗുരുതരമായി പരിക്കേറ്റ ഇരുവർക്കും ഉടൻ തന്നെ വൈദ്യസഹായം ലഭ്യമാക്കി.
അറസ്റ്റിലായ പ്രതികളിൽ പ്രജിത്തും രാഗിനും റൗഡി ലിസ്റ്റിൽ ഉൾപ്പെട്ട കുപ്രസിദ്ധ കുറ്റവാളികളാണ്. ഇതിൽ പ്രജിത്തിന്റെ പേരിൽ ഞാറയ്ക്കൽ, മുനമ്പം, മട്ടാഞ്ചേരി, വിയ്യൂർ എന്നീ പോലീസ് സ്റ്റേഷനുകളിലായി ഇരുപത്തിരണ്ടോളം കേസുകൾ നിലവിലുണ്ട്. മറ്റൊരു പ്രതിയായ രാഗിന് വരാപ്പുഴ, ചേരാനല്ലൂർ, ഞാറയ്ക്കൽ സ്റ്റേഷനുകളിലായി ഏഴ് കേസുകളുണ്ട്. മൂന്നാം പ്രതി പ്രജീഷിനെതിരെയും നിലവിൽ കേസുണ്ട്.
എറണാകുളം റൂറൽ ജില്ലാ പോലീസ് മേധാവി കെ.എസ്. സുദർശന്റെ മേൽനോട്ടത്തിൽ മുനമ്പം ഡി.വൈ.എസ്.പി എസ്. ജയകൃഷ്ണൻ, ഞാറയ്ക്കൽ ഇൻസ്പെക്ടർ കെ.കെ. ഷെബാബ് എന്നിവരുടെ നേതൃത്വത്തിലുള്ള അന്വേഷണ സംഘമാണ് പ്രതികളെ വലയിലാക്കിയത്. സംഭവത്തിൽ കൂടുതൽ പേർ ഉൾപ്പെട്ടിട്ടുണ്ടോ എന്നതടക്കമുള്ള കാര്യങ്ങളിൽ അന്വേഷണം പുരോഗമിക്കുകയാണ്.
