മാതൃത്വ സംരക്ഷണം കുടുംബത്തിന്റെ മാത്രം ഉത്തരവാദിത്തമല്ല, സമൂഹത്തിന്റെയും സർക്കാരിന്റേതുമാണ് മന്ത്രി ബിന്ദു കൃഷ്ണ 
സ്വകാര്യ ദൃശ്യങ്ങൾ പുറത്തുവിടുമെന്ന് ഭീഷണി, ഹണിട്രാപ്പെന്ന് സംശയം സൂത്രധാര നടി അതുല്യ ചന്ദ്രയെന്ന് പൊലീസ് 
ഇരുമ്പനം, ചിത്രപ്പുഴ പാലങ്ങൾ റീ ടാർ ചെയ്യാൻ 52.65 ലക്ഷം രൂപ അനുവദിച്ചു മന്ത്രി അനൂപ് ജേക്കബ് 
തൊഴിലിടങ്ങളിൽ തുല്യനീതിയും സുരക്ഷിതത്വവും ഉറപ്പാക്കും മന്ത്രി ബിന്ദു കൃഷ്ണ 
ശബരിമല തീർത്ഥാടനം ഭക്ഷ്യസുരക്ഷയും കുടിവെള്ള വിതരണവും ഉറപ്പാക്കും അവലോകന യോഗത്തിൽ നിർദേശവുമായി മന്ത്രി കെ. മുരളീധരൻ 
ചിന്നക്കനാൽ 301 കോളനിയുടെ സമഗ്ര വികസനം 10 പ്രധാന ശുപാർശകളുമായി ഊരുകൂട്ടം പട്ടയം ദുരുപയോഗം ചെയ്താൽ റദ്ദാക്കും ഇരുമ്പനം, ചിത്രപ്പുഴ പാലങ്ങൾ റീ ടാർ ചെയ്യാൻ 52.65 ലക്ഷം രൂപ അനുവദിച്ചു മന്ത്രി അനൂപ് ജേക്കബ്
സീപോർട്ട് എയർപോർട്ട് റോഡിലെ ഇരുമ്പനം, ചിത്രപ്പുഴ പാലങ്ങളിലെ ഗതാഗതക്കുരുക്കിന് പരിഹാരമാകുന്നു. പൂർണ്ണമായും റീ ടാറിംഗ് നടത്താൻ 52.65 ലക്ഷം രൂപയുടെ ഭരണാനുമതി ലഭിച്ചതായി മന്ത്രി അനൂപ് ജേക്കബ് അറിയിച്ചു.
അനില എം കൃഷ്ണൻ 
ഇരുമ്പനം, ചിത്രപ്പുഴ പാലങ്ങൾ റീ ടാർ ചെയ്യാൻ 52.65 ലക്ഷം രൂപയുടെ ഭരണാനുമതി മന്ത്രി അനൂപ് ജേക്കബ്
കൊച്ചി: സീപോർട്ട്-എയർപോർട്ട് റോഡിലെ പ്രധാന പാലങ്ങളായ ഇരുമ്പനം റെയിൽവേ മേൽപ്പാലത്തിന്റെയും ചിത്രപ്പുഴ പാലത്തിന്റെയും ഉപരിതലം പൂർണ്ണമായും റീ ടാർ ചെയ്യുന്നതിനായി (റീസർഫസിംഗ്) 52.65 ലക്ഷം രൂപയുടെ ഭരണാനുമതി ലഭിച്ചതായി മന്ത്രി അനൂപ് ജേക്കബ് അറിയിച്ചു. പാലങ്ങളിൽ നിരന്തരം രൂപപ്പെടുന്ന വലിയ കുഴികൾ കാരണം അനുഭവപ്പെടുന്ന രൂക്ഷമായ ഗതാഗതക്കുരുക്കിന് ഇതോടെ പരിഹാരമാകും.
യാത്രക്കാരുടെ ദുരിതം കണക്കിലെടുത്ത് അടിയന്തര ഇടപെടൽ നടത്തി ബി.എം.ബി.സി (BM&BC) നിലവാരത്തിലുള്ള റീ-ടാറിംഗ് ജോലികൾക്കായാണ് തുക വകയിരുത്തിയത്. കേടുപാടുകൾ സംഭവിച്ച നിലവിലെ ഉപരിതലം പൂർണ്ണമായും ഇളക്കിമാറ്റിയ ശേഷമായിരിക്കും പുതിയ ടാറിംഗ് നടത്തുക. ഇതിനു പുറമെ, നിലവിലെ കുഴികൾ അടിയന്തരമായി അടയ്ക്കുന്നതിനായി 10 ലക്ഷം രൂപയുടെ ടെൻഡർ നടപടികൾ പൂർത്തിയായിട്ടുണ്ടെന്നും ഉടൻ തന്നെ കുഴിയടയ്ക്കൽ പ്രവൃത്തികൾ ആരംഭിക്കുമെന്നും മന്ത്രി വ്യക്തമാക്കി.
റോഡ് തകരാൻ കാരണം ഭാരമേറിയ വാഹനങ്ങളുടെ ബ്രേക്കിംഗ്
എറണാകുളം ജില്ലയിലെ ഏറ്റവും തിരക്കേറിയ പ്രധാന പാതകളിലൊന്നാണ് സീപോർട്ട്-എയർപോർട്ട് റോഡ്. പാലങ്ങളുടെ പ്രത്യേക നിർമ്മാണരീതിയാണ് റോഡ് അടിക്കടി തകരാൻ കാരണമെന്ന് ബ്രിഡ്ജസ് വിഭാഗം ചീഫ് എഞ്ചിനീയറുടെ റിപ്പോർട്ടിൽ ചൂണ്ടിക്കാണിക്കുന്നു.
റെയിൽവേ ലൈനിനു മുകളിലുള്ള സെന്റർ സ്പാൻ നേർരേഖയിലും തുടർന്നുള്ള മറ്റു സ്പാനുകൾ ചരിവോടു കൂടിയുമാണ് നിർമ്മിച്ചിട്ടുള്ളത്. ഇതു കാരണം ഭാരമേറിയ വാഹനങ്ങൾക്ക് അടിക്കടി ബ്രേക്കിട്ട് വേഗത നിയന്ത്രിക്കേണ്ടി വരുന്നു. ചരിഞ്ഞ പ്രതലത്തിലൂടെ ഭാരവാഹനങ്ങൾ പോകുമ്പോഴുണ്ടാകുന്ന കടുത്ത ഇളക്കം പാലത്തിന്റെ ഉപരിതലത്തിനും ബിറ്റുമിനസ് പാളിക്കും കേടുപാടുകൾ വരുത്തുന്നു. മഴക്കാലത്ത് അപ്രോച്ച് റോഡിൽ ഇടയ്ക്കിടെ ചെളി നിറഞ്ഞ മണ്ണ് പുറത്തേക്ക് തള്ളുന്നതും കുഴികൾ രൂപപ്പെടുന്നതിന് കാരണമാകുന്നുണ്ട്.
പുതിയ റീ-ടാറിംഗ് പ്രവൃത്തികൾ പൂർത്തിയാകുന്നതോടെ മേഖലയിലെ യാത്രാതടസ്സത്തിന് ശാശ്വത പരിഹാരമാകുമെന്നാണ് പ്രതീക്ഷിക്കുന്നത്
