അജിത് പവാറിന്റെ വിലാപയാത്രയ്ക്കിടെ വൻ കവർച്ച 30 ലക്ഷത്തിന്റെ സ്വർണാഭരണങ്ങൾ കവർന്നു
വിലാപയാത്രയിൽ പങ്കെടുത്തവരിൽ നിന്നായി ഏകദേശം 30 ലക്ഷം രൂപ വിലമതിക്കുന്ന 15 ഓളം സ്വർണമാലകളും പണവുമാണ് മോഷ്ടാക്കൾ കവർന്നത്.
Angel Varghese 
അജിത് പവാറിന്റെ വിലാപയാത്രയ്ക്കിടെ വൻ കവർച്ച: 30 ലക്ഷത്തിന്റെ സ്വർണാഭരണങ്ങൾ കവർന്നു
ബാരാമതി: മുൻ മഹാരാഷ്ട്ര ഉപമുഖ്യമന്ത്രി അജിത് പവാറിന്റെ സംസ്കാര ചടങ്ങിനിടെ ബാരാമതിയിൽ വൻ കവർച്ച. വിലാപയാത്രയിൽ പങ്കെടുത്തവരിൽ നിന്നായി ഏകദേശം 30 ലക്ഷം രൂപ വിലമതിക്കുന്ന 15 ഓളം സ്വർണമാലകളും പണവുമാണ് മോഷ്ടാക്കൾ കവർന്നത്. ജനുവരി 28-നുണ്ടായ വിമാനാപകടത്തിലാണ് അജിത് പവാർ അന്തരിച്ചത്.
സംസ്ഥാന ബഹുമതികളോടെ നടന്ന സംസ്കാര ചടങ്ങിൽ പതിനായിരക്കണക്കിന് ആളുകളാണ് അന്ത്യാഞ്ജലി അർപ്പിക്കാൻ എത്തിയത്. ഈ ജനക്കൂട്ടത്തെ മുതലെടുത്താണ് മോഷ്ടാക്കൾ തങ്ങളുടെ കൈവരിപ്പിച്ചത്. മോഷണത്തിനിടെ ചിലരെ പാർട്ടി പ്രവർത്തകർ തന്നെ നേരിട്ട് പിടികൂടി പൊലീസിൽ ഏൽപ്പിച്ചു.
എണ്ണായിരത്തോളം പൊലീസുകാരെ സുരക്ഷയ്ക്കായി വിന്യസിച്ചിരുന്നിട്ടും ഇത്രയും വലിയ മോഷണം നടന്നത് പൊലീസിന് വലിയ നാണക്കേടായിരിക്കുകയാണ്. സംഭവത്തിൽ നിരവധി പരാതികൾ ലഭിച്ചതിനെ തുടർന്ന് പൊലീസ് അന്വേഷണം ഊർജിതമാക്കി. പിടിയിലായ പ്രതികളെ ചോദ്യം ചെയ്തു വരികയാണെന്നും വിലാപയാത്രയ്ക്കിടെ മോഷണം നടന്നതിൽ പാർട്ടി നേതാക്കൾ ശക്തമായ അമർഷം രേഖപ്പെടുത്തിയതായും അധികൃതർ അറിയിച്ചു.
