ശ്രീകൃഷ്ണജയന്തി ശോഭായാത്ര ആലുവ നഗരത്തിൽ നാളെ വൈകിട്ട് മുതൽ ഗതാഗത നിയന്ത്രണം

ശ്രീകൃഷ്ണജയന്തി: ആലുവ നഗരത്തിൽ നാലിന് വൈകിട്ട് മുതൽ ഗതാഗത നിയന്ത്രണം; റൂട്ട് മാറ്റങ്ങൾ അറിയാം

​ആലുവ: ശ്രീകൃഷ്ണജയന്തി ആഘോഷങ്ങളുടെയും ശോഭായാത്രയുടെയും ഭാഗമായി വരുന്ന നാലിന് വൈകിട്ട് 3:30 മുതൽ ആലുവ നഗരത്തിൽ പൊലീസിന്റെ നേതൃത്വത്തിൽ ഗതാഗത നിയന്ത്രണങ്ങൾ ഏർപ്പെടുത്തി. ശോഭായാത്ര സുഗമമായി കടന്നുപോകുന്നതിനും നഗരത്തിലെ തിരക്ക് ഒഴിവാക്കുന്നതിനുമാണ് ക്രമീകരണങ്ങൾ.

​പ്രധാന ഗതാഗത നിയന്ത്രണങ്ങൾ താഴെ പറയുന്നവയാണ്:

​പമ്പ് ജംഗ്ഷൻ & ബാങ്ക് ജംഗ്ഷൻ: ശോഭായാത്ര നടക്കുന്ന സമയത്ത് പമ്പ് ജംഗ്ഷനിൽ നിന്നും ബാങ്ക് ജംഗ്ഷൻ ഭാഗത്തേക്ക് വാഹനങ്ങൾ കടത്തിവിടുന്നതല്ല.

​ഗവ. ഹോസ്പിറ്റൽ പരിസരം: ഗവൺമെൻറ് ഹോസ്പിറ്റൽ ഭാഗത്തുനിന്നും റെയിൽവേ സ്റ്റേഷൻ, പമ്പ് ജംഗ്ഷൻ എന്നീ ഭാഗങ്ങളിലേക്ക് വാഹനങ്ങൾക്ക് പ്രവേശനമുണ്ടായിരിക്കില്ല.

​പെരുമ്പാവൂർ റൂട്ട്: പെരുമ്പാവൂർ പ്രൈവറ്റ് റൂട്ടിൽ നിന്നും വരുന്ന വാഹനങ്ങൾ പവർഹൗസ് ജംഗ്ഷനിൽ നിന്നും നേരെ ഗവൺമെൻറ് ഹോസ്പിറ്റൽ റോഡ് വഴി കടന്നുപോകണം.

​പുളിഞ്ചോട് & കാരോത്തുകുഴി: പുളിഞ്ചോട് ജംഗ്ഷനിൽ നിന്നും കാരോത്തുകുഴി ഭാഗത്തേക്ക് പോകുന്ന വാഹനങ്ങൾ പുളിഞ്ചോട് ജംഗ്ഷനിൽ നിന്ന് ഫ്ലൈഓവർ വഴി ബൈപ്പാസ് ജംഗ്ഷനിൽ എത്തി വേണം യാത്ര തുടരാൻ.

​മാർക്കറ്റ് ഭാഗം: കാരോത്തുകുഴി, മാർക്കറ്റ് ഭാഗത്തുനിന്നുള്ള വാഹനങ്ങൾ ഗവൺമെൻറ് ഹോസ്പിറ്റൽ ഭാഗത്തേക്ക് കടത്തിവിടില്ല.

​ബാങ്ക് ജംഗ്ഷൻ: ബാങ്ക് ജംഗ്ഷനിൽ നിന്നും പ്രൈവറ്റ് ബസ് സ്റ്റാൻഡ്, മാർക്കറ്റ് ഭാഗങ്ങളിലേക്ക് വാഹന ഗതാഗതം അനുവദിക്കില്ല.

​പാർക്കിംഗ് ക്രമീകരണം:

ശോഭായാത്രയ്ക്കായി ആളുകളുമായി എത്തുന്ന വാഹനങ്ങൾ യാത്രക്കാരെ ഇറക്കിയ ശേഷം മണപ്പുറം ഭാഗത്ത് നിർദ്ദിഷ്ട സ്ഥലങ്ങളിൽ പാർക്ക് ചെയ്യേണ്ടതാണെന്ന് അധികൃതർ അറിയിച്ചു.