തമ്മനത്ത് കോൺഗ്രസ് പ്രതിഷേധ ഗാനാലാപനം
41-ാം ഡിവിഷൻ ഉപതിരഞ്ഞെടുപ്പ് തമ്മനത്ത് കോൺഗ്രസ് അവലോകന യോഗം ചേർന്നു ഇന്ന് പ്രതിഷേധ ഗാനാലാപനം
Angel Varghese 
41-ാം ഡിവിഷൻ ഉപതിരഞ്ഞെടുപ്പ്: തമ്മനത്ത് കോൺഗ്രസ് അവലോകന യോഗം ചേർന്നു; ഇന്ന് പ്രതിഷേധ ഗാനാലാപനം
കൊച്ചി: കൊച്ചി നഗരസഭയിലെ 41-ാം ഡിവിഷൻ ഉപതിരഞ്ഞെടുപ്പിനോടനുബന്ധിച്ച് തമ്മനം മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ അവലോകന യോഗം ചേർന്നു. തിരഞ്ഞെടുപ്പ് പ്രവർത്തനങ്ങളുടെ പുരോഗതി വിലയിരുത്തുന്നതിനും വരുംദിവസങ്ങളിലെ പ്രചാരണ പരിപാടികൾ ആസൂത്രണം ചെയ്യുന്നതിനുമായാണ് യോഗം ചേർന്നത്.
അമ്പലക്കള്ളന്മാർക്കെതിരെയുള്ള പ്രതിഷേധത്തിന്റെ ഭാഗമായി ഡിസംബർ 19-ന് (ഇന്ന്) വൈകിട്ട് 6.30-ന് തമ്മനം ജംഗ്ഷനിൽ വെച്ച് വേറിട്ട രീതിയിലുള്ള 'പ്രതിഷേധ ഗാനാലാപനം' സംഘടിപ്പിക്കാൻ യോഗം തീരുമാനിച്ചു. "പോട്ടിയെ കേറ്റിയെ... സ്വർണ്ണം ചെമ്പായ് മാറ്റിയെ..." എന്ന വരികൾ ആലപിച്ചുകൊണ്ടാണ് പ്രതിഷേധം സംഘടിപ്പിക്കുന്നത്.
വൈറ്റില ബ്ലോക്ക് സെക്രട്ടറി സുരേഷ് ബാബു യോഗം ഉദ്ഘാടനം ചെയ്തു. മണ്ഡലം പ്രസിഡന്റ് സക്കീർ തമ്മനം അധ്യക്ഷത വഹിച്ചു. കൗൺസിലർ ദിവ്യ രാജേഷ്, യു.ഡി.എഫ് ചെയർമാൻ അബ്ദുൽ ഖാദർ, ഐ.എൻ.ടി.യു.സി നേതാവ് ഇടപ്പള്ളി സൈമൺ, 41-ാം ഡിവിഷൻ പ്രസിഡന്റ് മോഹൻ എന്നിവർ പ്രസംഗിച്ചു.
യോഗത്തിൽ ഡോ. ഷാൻസി സലാം, അഡ്വ. എ. ഷഫീഖ്, അഡ്വ. അനിൽകുമാർ, അബ്ദുൽ സലാം തുടങ്ങിയ പ്രമുഖ നേതാക്കളും പങ്കെടുത്തു. വരും ദിവസങ്ങളിൽ ഡിവിഷന്റെ വിവിധ ഭാഗങ്ങളിൽ കുടുംബയോഗങ്ങളും പ്രചാരണ പരിപാടികളും ഊർജിതമാക്കാനും യോഗം തീരുമാനിച്ചു.
