ചലച്ചിത്ര പ്രതിഭ ശ്രീനിവാസൻ അന്തരിച്ചു
ചലച്ചിത്ര പ്രതിഭ ശ്രീനിവാസൻ അന്തരിച്ചു മലയാള സിനിമയിലെ തിരക്കഥാകൃത്ത് സംവിധായകൻ നടൻ എന്നീ നിലകളിൽ ദശകങ്ങളോളം സിനിമാപ്രേമികളെ വിസ്മയിപ്പിച്ച ശ്രീനിവാസൻ
അനില എം കൃഷ്ണൻ
308
ചലച്ചിത്ര പ്രതിഭ ശ്രീനിവാസൻ അന്തരിച്ചു
കൊച്ചി: മലയാള സിനിമയിലെ തിരക്കഥാകൃത്ത്, സംവിധായകൻ, നടൻ എന്നീ നിലകളിൽ ദശകങ്ങളോളം സിനിമാപ്രേമികളെ വിസ്മയിപ്പിച്ച ശ്രീനിവാസൻ (69) അന്തരിച്ചു. ശനിയാഴ്ച രാവിലെയോടെ തൃപ്പൂണിത്തുറയിലെ സ്വകാര്യ ആശുപത്രിയിലായിരുന്നു അന്ത്യം.
ദീർഘനാളായി അസുഖബാധിതനായി ഉദയംപേരൂരിലെ വസതിയിൽ വിശ്രമത്തിലായിരുന്നു അദ്ദേഹം. ഇന്ന് രാവിലെ അസുഖം പെട്ടെന്ന് മൂർച്ഛിച്ചതിനെത്തുടർന്ന് ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മലയാളിയുടെ നിത്യജീവിതത്തിലെ വൈരുദ്ധ്യങ്ങളെയും സാമൂഹിക വ്യവസ്ഥിതിയെയും ഹാസ്യത്തിൽ പൊതിഞ്ഞ തനതായ ശൈലിയിലൂടെ അദ്ദേഹം അവതരിപ്പിച്ചു. നടൻ എന്നതിലുപരി മികച്ച തിരക്കഥാകൃത്തെന്ന നിലയിൽ മലയാള സിനിമയുടെ സുവർണ്ണകാലഘട്ടം സൃഷ്ടിക്കുന്നതിൽ അദ്ദേഹം നിർണ്ണായക പങ്ക് വഹിച്ചു. സംസ്കാരം പിന്നീട് നടക്കും.
