തുണിക്കടയിൽ മോഷണം
കോലഞ്ചേരിയിലെ തുണിക്കടയിൽ മോഷണം അസം സ്വദേശി പിടിയിൽ
അനില എം കൃഷ്ണൻ 
കോലഞ്ചേരിയിലെ തുണിക്കടയിൽ മോഷണം: അസം സ്വദേശി പിടിയിൽ
കോലഞ്ചേരി: വസ്ത്ര വ്യാപാര സ്ഥാപനത്തിൽ അതിക്രമിച്ചു കയറി ഒരു ലക്ഷത്തോളം രൂപ കവർന്ന കേസിലെ പ്രതിയെ പുത്തൻകുരിശ് പോലീസ് അറസ്റ്റ് ചെയ്തു. അസം സ്വദേശിയായ റഷീദുൾ ഇസ്ലാം (26) ആണ് പിടിയിലായത്. കഴിഞ്ഞ മാസം 24-നായിരുന്നു കേസിനാസ്പദമായ സംഭവം നടന്നത്.
കോലഞ്ചേരിയിലെ 'ലിസ ഫാഷൻ' എന്ന തുണിക്കടയിലാണ് പ്രതി മോഷണം നടത്തിയത്. കടയിൽ സൂക്ഷിച്ചിരുന്ന ഒരു ലക്ഷത്തോളം രൂപയാണ് ഇയാൾ കവർന്നത്. മോഷണത്തിന് ശേഷം ഒളിവിൽ പോയ പ്രതിയെ കോതമംഗലം ഇരുമലപ്പടിയിലുള്ള ആളൊഴിഞ്ഞ വീട്ടിൽ നിന്നാണ് പോലീസ് സാഹസികമായി പിടികൂടിയത്.
ഡി.വൈ.എസ്.പി വി.ടി. ഷാജന്റെ നേതൃത്വത്തിലുള്ള സംഘമാണ് പ്രതിയെ വലയിലാക്കിയത്. ഇൻസ്പെക്ടർ ടി.എൽ. ജയൻ, സബ് ഇൻസ്പെക്ടർമാരായ ജിതിൻ കുമാർ, ജി. ശശിധരൻ, ബിജു ജോൺ, എ.എസ്.ഐ വി.എ. ഗിരീഷ്, സീനിയർ സി.പി.ഒമാരായ അഖിൽ, റിതേഷ്, സന്ദീപ് എന്നിവരും അന്വേഷണ സംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കി.
