കേരളത്തിൽ വ്യാപക എൻഐഎ റെയ്ഡ്
കേരളത്തിൽ വ്യാപക എൻഐഎ റെയ്ഡ്; പോപ്പുലർ ഫ്രണ്ട്, എസ്ഡിപിഐ നേതാക്കളുടെ വീടുകളിൽ പരിശോധന
Angel Varghese 
കേരളത്തിൽ വ്യാപക എൻഐഎ റെയ്ഡ്; പോപ്പുലർ ഫ്രണ്ട്, എസ്ഡിപിഐ നേതാക്കളുടെ വീടുകളിൽ പരിശോധന
തിരുവനന്തപുരം: സംസ്ഥാനത്തിന്റെ വിവിധ ഭാഗങ്ങളിൽ ദേശീയ അന്വേഷണ ഏജൻസി (NIA) വ്യാപക റെയ്ഡ് നടത്തുന്നു. നിരോധിത സംഘടനയായ പോപ്പുലർ ഫ്രണ്ട് ഓഫ് ഇന്ത്യ (PFI), എസ്ഡിപിഐ എന്നിവയുമായി ബന്ധപ്പെട്ട് പ്രവർത്തിക്കുന്നവരുടെ വീടുകളിലും ഓഫീസുകളിലുമാണ് പരിശോധന നടക്കുന്നത്.
ഇന്ന് പുലർച്ചെ മുതലാണ് വിവിധ ഇടങ്ങളിൽ ഒരേസമയം റെയ്ഡ് ആരംഭിച്ചത്. ചാവക്കാട് എസ്ഡിപിഐ നേതാവായ ഫാമിസ് അബൂബക്കറിന്റെ വീട്ടിലും അന്വേഷണ സംഘം പരിശോധന നടത്തുകയാണ്. ഫാമിസ് അബൂബക്കർ പിഎഫ്ഐയുടെ മുൻ ജില്ലാ നേതാവുകൂടിയാണ്.
തീവ്രവാദ ഫണ്ടിംഗ്, മുൻകാല പ്രവർത്തനങ്ങൾ എന്നിവയുമായി ബന്ധപ്പെട്ട സൂചനകളുടെ അടിസ്ഥാനത്തിലാണ് റെയ്ഡ് എന്നാണ് പ്രാഥമിക വിവരം. പരിശോധനയുടെ കൂടുതൽ വിശദാംശങ്ങൾ എൻഐഎ ഔദ്യോഗികമായി പുറത്തുവിട്ടിട്ടില്ല. വരും മണിക്കൂറുകളിൽ കൂടുതൽ വിവരങ്ങൾ ലഭ്യമാകുമെന്നാണ് പ്രതീക്ഷിക്കുന്നത്.
