റൂറൽ ജില്ലയിലെ സോഷ്യൽ പോലീസിംഗ് പദ്ധതികളുടെ അവലോകന യോഗം ചേർന്നു എ.ഡി.ജി.പി പി. വിജയൻ ഉദ്ഘാടനം ചെയ്തു
ആലുവയിൽ നടന്ന റൂറൽ ജില്ല സോഷ്യൽ പോലീസിംഗ് ഡിവിഷൻ റിവ്യൂ മീറ്റിംഗിൽ സ്റ്റുഡൻറ് പോലീസ് കേഡറ്റ്, പ്രോജക്ട് ഹോപ്പ് തുടങ്ങിയ വിവിധ പദ്ധതികളുടെ പ്രവർത്തനങ്ങൾ വിലയിരുത്തി. എ.ഡി.ജി.പി പി. വിജയൻ ചടങ്ങ് ഉദ്ഘാടനം ചെയ്തു.
അനില എം കൃഷ്ണൻ 
റൂറൽ ജില്ലയിലെ സോഷ്യൽ പോലീസിംഗ് പദ്ധതികളുടെ അവലോകന യോഗം ചേർന്നു; എ.ഡി.ജി.പി പി. വിജയൻ ഉദ്ഘാടനം ചെയ്തു
ആലുവ: റൂറൽ ജില്ലയിലെ സോഷ്യൽ പോലീസിംഗ് ഡിവിഷന്റെ ഭാഗമായിട്ടുള്ള വിവിധ പദ്ധതികളുടെ അവലോകന യോഗം ആലുവ വൈഎംസിഎ ഹാളിൽ നടന്നു. പ്രമുഖ ചടങ്ങിൽ എ.ഡി.ജി.പി പി. വിജയൻ യോഗം ഔദ്യോഗികമായി ഉദ്ഘാടനം ചെയ്തു.
റേഞ്ച് ഡി.ഐ.ജി ജി. യതീഷ് ചന്ദ്ര, ജില്ലാ പോലീസ് മേധാവി കെ.എസ്. സുദർശൻ, പെരുമ്പാവൂർ എ.എസ്.പി ഹാർദിക് മീണ, അഡീഷണൽ എസ്.പിയുടെ ചുമതലയുള്ള ജെ. ഉമേഷ് കുമാർ തുടങ്ങിയ പ്രമുഖർ ചടങ്ങിൽ സംസാരിച്ചു. യോഗത്തിൽ സ്റ്റുഡൻറ് പോലീസ് കേഡറ്റ് (SPC), പ്രോജക്ട് ഹോപ്പ്, ജനമൈത്രി, ഡിസിആർസി തുടങ്ങിയ സുപ്രധാന പദ്ധതികളുടെ പുരോഗതി വിലയിരുത്തി. എസ്.പി.സി പദ്ധതിയിലെ അധ്യാപകരുമായി എ.ഡി.ജി.പി പ്രത്യേക ചർച്ചയും നടത്തി.
റൂറൽ ജില്ലയിൽ നിലവിൽ 52 സ്കൂളുകളിലാണ് സ്റ്റുഡൻസ് പോലീസ് കേഡറ്റ് പദ്ധതി വിജയകരമായി നടപ്പാക്കുന്നത്. ഇതിന് പുറമെ പുതുതായി 24 സ്കൂളുകൾക്ക് കൂടി സർക്കാർ ഇതിനായി അനുമതി നൽകിയിട്ടുണ്ട്. ജീവിത സാഹചര്യങ്ങളിലെ പ്രയാസങ്ങൾ കാരണം പരീക്ഷ എഴുതാൻ കഴിയാതെ പോയവർക്കും, പരീക്ഷയിൽ പരാജയപ്പെട്ടവർക്കും വിജയം സമ്മാനിക്കുന്നതിനായി പോലീസ് ആവിഷ്കരിച്ച 'പ്രോജക്ട് ഹോപ്പ്' പദ്ധതിയിലൂടെ ഈ വർഷം എസ്.എസ്.എൽ.സി, പ്ലസ് ടു പരീക്ഷകളിൽ 25 പേർ മികച്ച വിജയം നേടി.
ലഹരിക്കെതിരെയുള്ള പോരാട്ടത്തിൽ എസ്.പി.സി അധ്യാപകരെയും സജീവമായി പങ്കാളികളാക്കിക്കൊണ്ടുള്ള 'തൂഫാൻ വാരിയേഴ്സ്' ബാഡ്ജുകളുടെ വിതരണവും ചടങ്ങിൽ എ.ഡി.ജി.പി നിർവഹിച്ചു. എസ്.പി.സി അധ്യാപകർ, പ്രോജക്ട് ഹോപ്പിന്റെ റിസോഴ്സ് പേഴ്സൺസ്, കൗൺസിലർമാർ, ഡിവൈഎസ്പിമാർ, ഇൻസ്പെക്ടർമാർ ഉൾപ്പെടെയുള്ള വിവിധ പോലീസ് ഉദ്യോഗസ്ഥർ ചടങ്ങിൽ സന്നിഹിതരായിരുന്നു.
