കുടയത്തൂരിൽ ഉരുൾപൊട്ടൽ മേഖലയിൽഅവധി ദിവസങ്ങളുടെ മറവിൽ വൻ മണ്ണെടുപ്പ് 
വിജയദശമി ദിനത്തിൽ കുരുന്നുകൾക്ക് ആദ്യാക്ഷരം പകർന്ന് മുഖ്യമന്ത്രി വി.ഡി. സതീശൻ 
കൊച്ചിയിൽ എംഡിഎംഎയുമായി മലപ്പുറം സ്വദേശികൾ പിടിയിൽ 
ദസറ കണ്ണൂരിന്റെ വികാരമായി മാറി സ്പീക്കര് തിരുവഞ്ചൂര് രാധാകൃഷ്ണന് 
സംഗീത ലോകത്തുനിന്ന് അഭിനയത്തിലേക്ക് റോക്ക്സ്റ്റാർ ദേവി ശ്രീ പ്രസാദിന്റെ യെല്ലമ്മ 
സിപിഐ എം മൂവാറ്റുപുഴ നോർത്ത് ലോക്കൽ കമ്മിറ്റി ഓഫീസ് നവീകരിച്ച് പ്രവർത്തനം ആരംഭിച്ചു കുടയത്തൂരിൽ ഉരുൾപൊട്ടൽ മേഖലയിൽഅവധി ദിവസങ്ങളുടെ മറവിൽ വൻ മണ്ണെടുപ്പ്
ഇടുക്കി കുടയത്തൂരിൽ ഉരുൾപൊട്ടൽ മേഖലയ്ക്ക് സമീപം നടക്കുന്ന അനധികൃത മണ്ണെടുപ്പിലും ഖനനത്തിലും അടിയന്തര റിപ്പോർട്ട് തേടി ജില്ലാ കളക്ടർ. കുറ്റക്കാർക്കെതിരെ ക്രിമിനൽ നടപടി സ്വീകരിക്കാൻ നിർദേശം.
Angel Varghese 
കുടയത്തൂരിലെ അനധികൃത ഖനനം: അടിയന്തര റിപ്പോർട്ട് തേടി ഇടുക്കി ജില്ലാ കളക്ടർ; നിയമലംഘകർക്കെതിരെ കർശന നടപടിക്ക് നിർദേശം
തൊടുപുഴ: കുടയത്തൂരിൽ മുമ്പ് ഉരുൾപൊട്ടലുണ്ടായ പ്രദേശത്തിന് സമീപം പൊതു അവധി ദിവസങ്ങളുടെ മറവിൽ വൻതോതിൽ അനധികൃത മണ്ണെടുപ്പും ഖനനവും നടക്കുന്നതായി പരാതി. സംഭവത്തിൽ അടിയന്തരമായി സ്ഥലം സന്ദർശിച്ച് പരിശോധന നടത്തി റിപ്പോർട്ട് സമർപ്പിക്കാൻ ജില്ലാ കളക്ടർ നിർദേശം നൽകി.
പ്രദേശവാസികളുടെ ജീവനും സ്വത്തിനും ഗുരുതരമായ ഭീഷണിയുയർത്തുന്ന സാഹചര്യത്തിലാണ് ജില്ലാ കളക്ടറുടെ അടിയന്തര ഇടപെടൽ. ജില്ലാ ജിയോളജിസ്റ്റ്, തൊടുപുഴ തഹസിൽദാർ എന്നിവരോടാണ് നേരിട്ടെത്തി പരിശോധന നടത്താൻ കളക്ടർ ആവശ്യപ്പെട്ടിരിക്കുന്നത്.
അനധികൃത ഖനനം മൂലം പ്രദേശത്തുണ്ടായിട്ടുള്ള ദുരന്ത സാധ്യത കൃത്യമായി വിലയിരുത്തി റിപ്പോർട്ട് സമർപ്പിക്കണം. അനുമതിയില്ലാതെ മണ്ണെടുപ്പോ ഖനനമോ നടന്നിട്ടുണ്ടെങ്കിൽ അതിന് ഉത്തരവാദികളായവർക്കെതിരെ ശക്തമായ നിയമനടപടികൾ സ്വീകരിക്കും. ഭൂമി തരംമാറ്റാനോ ഖനനം നടത്താനോ ശ്രമിച്ചിട്ടുണ്ടെങ്കിൽ ബന്ധപ്പെട്ട വ്യക്തികൾക്കും സ്ഥലമുടമയ്ക്കുമെതിരെ ക്രിമിനൽ കേസ് ഉൾപ്പെടെയുള്ള നടപടികൾ എടുക്കാനും, ഇതിന്റെ വിശദാംശങ്ങൾ ജില്ലാ ദുരന്ത നിവാരണ അതോറിറ്റിക്ക് സമർപ്പിക്കാനും കളക്ടർ ഉത്തരവിട്ടു.
