കുടയത്തൂരിൽ ഉരുൾപൊട്ടൽ മേഖലയിൽഅവധി ദിവസങ്ങളുടെ മറവിൽ വൻ മണ്ണെടുപ്പ് 
വിജയദശമി ദിനത്തിൽ കുരുന്നുകൾക്ക് ആദ്യാക്ഷരം പകർന്ന് മുഖ്യമന്ത്രി വി.ഡി. സതീശൻ 
കൊച്ചിയിൽ എംഡിഎംഎയുമായി മലപ്പുറം സ്വദേശികൾ പിടിയിൽ 
ദസറ കണ്ണൂരിന്റെ വികാരമായി മാറി സ്പീക്കര് തിരുവഞ്ചൂര് രാധാകൃഷ്ണന് 
സംഗീത ലോകത്തുനിന്ന് അഭിനയത്തിലേക്ക് റോക്ക്സ്റ്റാർ ദേവി ശ്രീ പ്രസാദിന്റെ യെല്ലമ്മ 
സിപിഐ എം മൂവാറ്റുപുഴ നോർത്ത് ലോക്കൽ കമ്മിറ്റി ഓഫീസ് നവീകരിച്ച് പ്രവർത്തനം ആരംഭിച്ചു വിജയദശമി ദിനത്തിൽ കുരുന്നുകൾക്ക് ആദ്യാക്ഷരം പകർന്ന് മുഖ്യമന്ത്രി വി.ഡി. സതീശൻ
വിജയദശമി ദിനത്തിൽ പറവൂരിലെ എം.എൽ.എ ഓഫീസിൽ കുരുന്നുകൾക്ക് ആദ്യാക്ഷരം പകർന്ന് നൽകി മുഖ്യമന്ത്രി വി.ഡി. സതീശൻ. 25 ഓളം കുട്ടികൾ ചടങ്ങിൽ പങ്കെടുത്തു.
അനില എം കൃഷ്ണൻ 
വിജയദശമി ദിനത്തിൽ കുരുന്നുകൾക്ക് ആദ്യാക്ഷരം പകർന്ന് മുഖ്യമന്ത്രി വി.ഡി. സതീശൻ
പറവൂർ : വിജയദശമി ദിനത്തിൽ കുരുന്നുകൾക്ക് അറിവിന്റെ ആദ്യാക്ഷരം പകർന്നു നൽകി മുഖ്യമന്ത്രി വി.ഡി. സതീശൻ. പറവൂരിലെ എം.എൽ.എ ഓഫീസിൽ നടന്ന വിദ്യാരംഭ ചടങ്ങിൽ സംസ്ഥാനത്തിന്റെ വിവിധ ഭാഗങ്ങളിൽ നിന്നെത്തിയ 25-ഓളം കുട്ടികളെയാണ് മുഖ്യമന്ത്രി എഴുത്തിനിരുത്തിയത്. പറവൂർ ദക്ഷിണ മൂകാംബികാ ക്ഷേത്ര ദർശനത്തിനു ശേഷമാണ് മുഖ്യമന്ത്രി ഓഫീസിലെത്തി ചടങ്ങിൽ പങ്കെടുത്തത്.
മുൻ വർഷങ്ങളിൽ പ്രതിപക്ഷ നേതാവായിരിക്കെ നടത്തിയിരുന്ന ഈ ചടങ്ങ്, ഇത്തവണ മുഖ്യമന്ത്രി എന്ന പദവിയിലാണ് അദ്ദേഹം നിർവഹിച്ചത്. ചടങ്ങിനെത്തിയ കുഞ്ഞുങ്ങളുടെ കൈപിടിച്ച് അരിയിൽ 'ഹരിശ്രീ ഗണപതയേ നമഃ' എന്ന് എഴുതിക്കുകയും, നാവിലും ആദ്യാക്ഷരം കുറിച്ചു നൽകുകയും ചെയ്തു. ആദ്യാക്ഷരം കുറിച്ച കുരുന്നുകൾക്ക് മധുരവും മുഖ്യമന്ത്രി പങ്കുവെച്ചു.
മുഖ്യമന്ത്രിയുടെ തിരക്കുപിടിച്ച ഉത്തരവാദിത്തങ്ങൾക്കിടയിലും കുഞ്ഞുങ്ങളെ ചേർത്തുനിർത്തിയുള്ള ചടങ്ങിൽ വൻ ജനപങ്കാളിത്തമാണ് അനുഭവപ്പെട്ടത്. കുഞ്ഞുങ്ങൾ മുഖ്യമന്ത്രിക്ക് ദക്ഷിണ നൽകിയാണ് എഴുത്തിനിരുത്തൽ ചടങ്ങിന്റെ ഭാഗമായത്. വിദ്യാരംഭ ദിനത്തിൽ തലസ്ഥാനത്ത് ഉണ്ടാകില്ലെന്നതിനാൽ, കഴിഞ്ഞ ദിവസം തിരുവനന്തപുരത്തെ ഔദ്യോഗിക വസതിയായ ക്ലിഫ് ഹൗസിലും അദ്ദേഹം നാല് കുട്ടികളെ മുൻകൂട്ടി എഴുത്തിനിരുത്തിയിരുന്നു. രക്ഷിതാക്കളും ഉദ്യോഗസ്ഥരും ഉൾപ്പെടെ വൻജനക്കൂട്ടത്തിന്റെ സാന്നിധ്യത്തിലാണ് കുരുന്നുകളെ അറിവിന്റെ ലോകത്തേക്ക് ആനയിക്കുന്ന ചടങ്ങുകൾ സജ്ജമാക്കിയത്.
