ആവോലി ഗ്രാമപഞ്ചായത്തിൽ സമഗ്ര പുരയിടകൃഷി വികസന പദ്ധതിക്ക് തുടക്കമായി വളങ്ങൾക്ക് വൻ സബ്സിഡി

ആവോലി ഗ്രാമപഞ്ചായത്തിന്റെ സമഗ്ര പുരയിടകൃഷി വികസന പദ്ധതിക്ക് തുടക്കമായി. കർഷകർക്ക് രാസവളത്തിന് 50%, ജൈവവളത്തിന് 75% സബ്സിഡി ലഭിക്കും.

Oct 24, 2026 - 16:42

ആവോലി ഗ്രാമപഞ്ചായത്തിൽ സമഗ്ര പുരയിടകൃഷി വികസന പദ്ധതിക്ക് തുടക്കമായി വളങ്ങൾക്ക് വൻ സബ്സിഡി

ആവോലി ഗ്രാമപഞ്ചായത്തിൽ നടപ്പിലാക്കുന്ന സമഗ്രപുരയിടകൃഷി വികസന പദ്ധതിയുടെ ഉദ്ഘാടനം ആവോലി ഗ്രാമപഞ്ചായത്ത് പ്രസിഡൻ്റ് ജോജി കെ ജോസ് ഉദ്ഘാടനം ചെയ്യുന്നു

📸 *ഫോട്ടോസോ - നിങ്ങൾ ഒരു studio ഉടമസ്ഥനാണാ ?*

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

ആവോലി ഗ്രാമപഞ്ചായത്തിൽ സമഗ്ര പുരയിടകൃഷി വികസന പദ്ധതിക്ക് തുടക്കമായി; വളങ്ങൾക്ക് വൻ സബ്സിഡി

എറണാകുളം: ആവോലി ഗ്രാമപഞ്ചായത്തിന്റെ 2026-27 വാർഷിക ജനകീയാസൂത്രണ പദ്ധതിയിൽ ഉൾപ്പെടുത്തി നടപ്പിലാക്കുന്ന 'സമഗ്ര പുരയിടകൃഷി വികസന' പദ്ധതിക്ക് തുടക്കമായി. പദ്ധതിയുടെ ഔദ്യോഗിക ഉദ്ഘാടനം ഗ്രാമപഞ്ചായത്ത് പ്രസിഡന്റ് ജോജി കെ. ജോസ് നിർവഹിച്ചു.

കാർഷിക മേഖലയുടെ ഉന്നമനവും പുരയിടകൃഷി വ്യാപനവും ലക്ഷ്യമിട്ട് എട്ടു ലക്ഷം രൂപ ചെലവഴിച്ചാണ് പദ്ധതി നടപ്പിലാക്കുന്നത്. പ്രദേശത്തെ കർഷകർക്ക് കൃഷിയാവശ്യങ്ങൾക്കായുള്ള രാസവളം 50 ശതമാനം സബ്സിഡി നിരക്കിലും ജൈവവളം 75 ശതമാനം സബ്സിഡി നിരക്കിലും പദ്ധതിയിലൂടെ ലഭ്യമാക്കും. ഉൽപ്പാദനച്ചെലവ് കുറച്ച് കർഷകർക്ക് സാമ്പത്തിക ആശ്വാസം പകരണമായിരിക്കും ഈ പദ്ധതിയെന്ന് ഉദ്ഘാടന പ്രസംഗത്തിൽ വ്യക്തമാക്കി.

ഗ്രാമപഞ്ചായത്ത് വൈസ് പ്രസിഡന്റ് ഫെമിന അഷറഫ് അധ്യക്ഷത വഹിച്ച ചടങ്ങിൽ വികസന സ്ഥിരം സമിതി അധ്യക്ഷന്മാരായ ഷിബു ജോസ് പരീക്കൽ, ഷാനവാസ് കെ. വി, സൗമ്യ ജോൺ, കൃഷി ഓഫീസർ സുഗിനാ പി., ഗ്രാമപഞ്ചായത്ത് അംഗങ്ങൾ, കൃഷിവകുപ്പ് ഉദ്യോഗസ്ഥർ, പ്രദേശത്തെ കർഷകർ തുടങ്ങിയവർ പങ്കെടുത്തു.