പോഷകാഹാരക്കുറവ് മൂലം കുഞ്ഞ് മരിച്ച സംഭവം ബാലാവകാശ കമ്മീഷൻ സ്വമേധയാ കേസെടുത്തു

ആലപ്പുഴ ഹരിപ്പാട് പോഷകാഹാരക്കുറവ് മൂലം രണ്ടു വയസ്സുകാരൻ മരിച്ച സംഭവത്തിൽ ബാലാവകാശ കമ്മീഷൻ സ്വമേധയാ കേസെടുത്തു. DMO ഉൾപ്പെടെയുള്ള ഉദ്യോഗസ്ഥരോട് കമ്മീഷൻ വിശദീകരണം തേടി.

Rajeev

Oct 20, 2026 - 05:21

ഹരിപ്പാട് പോഷകാഹാരക്കുറവ് മൂലം കുഞ്ഞ് മരിച്ച സംഭവം: ബാലാവകാശ കമ്മീഷൻ സ്വമേധയാ കേസെടുത്തു

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

📸 *ഫോട്ടോസോ - നിങ്ങൾ ഒരു studio ഉടമസ്ഥനാണാ ?*

ആലപ്പുഴ: ഹരിപ്പാട് പോഷകാഹാരക്കുറവിനെ തുടർന്ന് രണ്ട് വയസ്സുള്ള കുഞ്ഞ് മരിച്ച ദാരുണ സംഭവത്തിൽ സംസ്ഥാന ബാലാവകാശ സംരക്ഷണ കമ്മീഷൻ സ്വമേധയാ കേസെടുത്തു. പുറത്തുവന്ന മാധ്യമ വാർത്തകളുടെ അടിസ്ഥാനത്തിൽ കമ്മീഷൻ അംഗം ടി. സി. ജലജ മോളാണ് വിഷയത്തിൽ ഇടപെട്ട് കേസ് രജിസ്റ്റർ ചെയ്തത്.

സംഭവത്തിൽ വിവിധ വകുപ്പുദ്യോഗസ്ഥരിൽ നിന്ന് കമ്മീഷൻ അടിയന്തര വിശദീകരണം ആവശ്യപ്പെട്ടു. ആലപ്പുഴ ജില്ലാ മെഡിക്കൽ ഓഫീസർ (DMO), കാർത്തികപ്പള്ളി ഗ്രാമപഞ്ചായത്ത് സെക്രട്ടറി, ജില്ലാ ശിശുസംരക്ഷണ ഓഫീസർ, കാർത്തികപ്പള്ളി ഗ്രാമപഞ്ചായത്ത് ICDS സൂപ്പർവൈസർ എന്നിവരോടാണ് കമ്മീഷൻ റിപ്പോർട്ട് സമർപ്പിക്കാൻ നിർദ്ദേശിച്ചിരിക്കുന്നത്.

കുഞ്ഞിന്റെ മരണത്തിലേക്ക് നയിച്ച സാഹചര്യങ്ങളെക്കുറിച്ചും കുട്ടിക്കും കുടുംബത്തിനും ലഭിക്കേണ്ടിയിരുന്ന പ്രാഥമിക ആരോഗ്യ-പോഷകാഹാര സഹായങ്ങളിൽ വീഴ്ച സംഭവിച്ചിട്ടുണ്ടോ എന്നതിനെക്കുറിച്ചും സമഗ്രമായ അന്വേഷണം നടത്താനാണ് കമ്മീഷന്റെ തീരുമാനം