ശബരിമല തീർത്ഥാടനം ഭക്ഷ്യസുരക്ഷയും കുടിവെള്ള വിതരണവും ഉറപ്പാക്കും അവലോകന യോഗത്തിൽ നിർദേശവുമായി മന്ത്രി കെ. മുരളീധരൻ 
ചിന്നക്കനാൽ 301 കോളനിയുടെ സമഗ്ര വികസനം 10 പ്രധാന ശുപാർശകളുമായി ഊരുകൂട്ടം പട്ടയം ദുരുപയോഗം ചെയ്താൽ റദ്ദാക്കും 
അങ്കണവാടി ജീവനക്കാരുടെ ആവശ്യങ്ങൾ ഘട്ടംഘട്ടമായി പരിഹരിക്കും മന്ത്രി അഡ്വ. ബിന്ദു കൃഷ്ണ 
സര്ക്കാര് അഴിമതി തടയാൻ ജില്ലാ വിജിലന്സ് കമ്മിറ്റി പൊതുജനങ്ങള്ക്ക് നേരിട്ട് പരാതി നല്കാം 
ടാങ്കറുകളിൽ കുടിവെള്ള വിതരണത്തിന് ഇനി ഭൂജല അതോറിറ്റിയുടെ എൻ.ഒ.സി നിർബന്ധം 
യുവ ഡോക്ടറെ ഫ്ലാറ്റിൽ വിളിച്ചുവരുത്തി മർദ്ദിച്ച് കവർച്ച സിനിമാ താരങ്ങളായ അതുല്യ ചന്ദ്രയും ബിബിൻ പെരുമ്പള്ളിയും അറസ്റ്റിൽ കൊട്ടക്കാമ്പൂർ ദുരന്തം ഷെഡ് തകർന്ന് മരിച്ച ബാലകൃഷ്ണന്റെയും ചിന്നുവിന്റെയും സംസ്കാരം നടന്നു
കൊട്ടക്കാമ്പൂരിൽ മണ്ണിടിച്ചിലിൽ ഷെഡ് തകർന്ന് മരിച്ച അമ്മൻകോവിൽ സ്വദേശികളായ ബാലകൃഷ്ണൻ, ചിന്നു എന്നിവരുടെ മൃതദേഹങ്ങൾ ഔദ്യോഗിക പ്രതിനിധികളുടെയും വൻ ജനക്കൂട്ടത്തിന്റെയും സാന്നിധ്യത്തിൽ സംസ്കരിച്ചു
അനില എം കൃഷ്ണൻ 
കൊട്ടക്കാമ്പൂരിൽ ഷെഡ് തകർന്നു മരിച്ചവരുടെ സംസ്കാരം വൻ ജനാവലിയോടെ നടന്നു; കുടുംബത്തിന് അടിയന്തര ധനസഹായം കൈമാറി
വട്ടവട: കൊട്ടക്കാമ്പൂരിൽ ഉണ്ടായ ശക്തമായ മണ്ണിടിച്ചിലിൽ ഷെഡ് തകർന്ന് മരിച്ച അമ്മൻകോവിൽ സ്വദേശി ബാലകൃഷ്ണൻ, സഹോദരി ചിന്നു എന്നിവരുടെ മൃതദേഹങ്ങൾ വൻ ജനാവലിയുടെ സാന്നിധ്യത്തിൽ സംസ്കരിച്ചു. തിങ്കളാഴ്ച ഉച്ചകഴിഞ്ഞ് മൂന്നുമണിയോടെ കൊട്ടക്കാമ്പൂർ പൊതുശ്മശാനത്തിലായിരുന്നു സംസ്കാരച്ചടങ്ങുകൾ നടന്നത്.
നാടിനെ കണ്ണീരിലാഴ്ത്തിയ ദുരന്തത്തിൽ മരിച്ചവർക്ക് നാടൊട്ടുക്ക് ആദരാഞ്ജലികൾ അർപ്പിച്ചു. എം. എൽ. എ എഫ്. രാജ, ജില്ലാ കളക്ടർ ഡോ. ദിനേശൻ ചെറുവാട്ട്, ഡെപ്യൂട്ടി കളക്ടർ ബിനു ജോസഫ്, ദേവികുളം തഹസിൽദാർ എൽ.എസ്. സന്തോഷ്കുമാർ, വട്ടവട ഗ്രാമപഞ്ചായത്ത് പ്രസിഡൻ്റ് സൂര്യ രാജ്, വില്ലേജ് ഓഫീസർ ആർ. വിജയകുമാർ തുടങ്ങി ജനപ്രതിനിധികളും ഉയർന്ന റവന്യൂ ഉദ്യോഗസ്ഥരും സംസ്കാരച്ചടങ്ങുകളിൽ പങ്കെടുത്തു.
മരിച്ചവരുടെ ബന്ധുക്കൾക്ക് ആശ്വാസമായി പതിനായിരം രൂപ വീതമുള്ള അടിയന്തിര സഹായധനം ചടങ്ങിൽ വെച്ച് എഫ്. രാജ എം.എൽ.എ കൈമാറി. ദുരന്തബാധിത കുടുംബത്തിന് ആവശ്യമായ തുടർസഹായങ്ങൾ ലഭ്യമാക്കുമെന്ന് അധികൃതർ ഉറപ്പുനൽകി.
