കോടമഞ്ഞിന്റെ കുളിരിൽ മഴയാത്രയുമായി വിദ്യാർത്ഥികൾ
മലബാർ റിവർ ഫെസ്റ്റിവലിന്റെ പ്രചാരണാർത്ഥം പുതുപ്പാടി ഗ്രാമപഞ്ചായത്തും ചുരം ഗ്രീൻ ബ്രിഗേഡും ചേർന്ന് സംഘടിപ്പിച്ച മഴയാത്ര നവ്യാനുഭവമായി. ചുരത്തിന്റെ മനോഹാരിത ആസ്വദിച്ച് മുന്നൂറോളം വിദ്യാർത്ഥികൾ പങ്കെടുത്തു.
Mathew P M 
മലബാർ റിവർ ഫെസ്റ്റിവൽ: കോടമഞ്ഞിന്റെ കുളിരിൽ മഴയാത്ര; ആവേശം പകർന്ന് വിദ്യാർത്ഥികൾ
കോഴിക്കോട്: മലബാർ റിവർ ഫെസ്റ്റിവലിന്റെ ഭാഗമായി സംഘടിപ്പിച്ച 'മഴയാത്ര' നവ്യാനുഭവമായി. മഴയുടെയും കോടമഞ്ഞിന്റെയും കുളിരും ചുരത്തിന്റെയും അരുവികളുടെയും മനോഹാരിത ആസ്വദിച്ച് വിദ്യാർത്ഥികളും അധ്യാപകരും പങ്കെടുത്ത യാത്ര ശ്രദ്ധേയമായി. പുതുപ്പാടി ഗ്രാമപഞ്ചായത്തും ചുരം ഗ്രീൻ ബ്രിഗേഡും സംയുക്തമായാണ് പരിപാടി സംഘടിപ്പിച്ചത്.
ലക്കിടിയിൽ നിന്നാരംഭിച്ച് ചുരം രണ്ടാം വളവിൽ സമാപിച്ച യാത്രയിൽ മർകസ് യൂനാനി കോളേജ്, ജി.എച്ച്.എസ് പുതുപ്പാടി, ചെമ്മരംപറ്റ ജി.എച്ച്.എസ്, കുറ്റിച്ചിറ എച്ച്.എസ്.എസ്, ലിസ്സ കോളേജ് എന്നിവിടങ്ങളിൽ നിന്നുള്ള മുന്നൂറോളം എൻ.എസ്.എസ് വോളണ്ടിയർമാരും അധ്യാപകരും പങ്കെടുത്തു.
സി.കെ. കാസിം എം.എൽ.എ യാത്ര ഫ്ലാഗ് ഓഫ് ചെയ്തു. പുതുപ്പാടി ഗ്രാമപഞ്ചായത്ത് പ്രസിഡന്റ് ബിജു താന്നിക്കാക്കുഴി അധ്യക്ഷത വഹിച്ചു. സമാപന സമ്മേളനം ഗ്രാമപഞ്ചായത്ത് അംഗം ശിഹാബ് ഉദ്ഘാടനം ചെയ്തു. ഫൈസൽ തേക്കിൽ മുഖ്യാതിഥിയായിരുന്നു. പരിപാടിയിൽ പങ്കെടുത്ത വിദ്യാർത്ഥികൾക്ക് സർട്ടിഫിക്കറ്റുകളും സ്കൂളുകൾക്ക് ഉപഹാരങ്ങളും വിതരണം ചെയ്തു.
