കാളംതിരുത്തി ബദൽ സ്കൂൾ ഇനി ഗവ. എൽ.പി സ്കൂൾ ഉദ്ഘാടനം മന്ത്രി എൻ. ഷംസുദ്ദീൻ നിർവഹിച്ചു 
ആറുമാസം റേഷൻ വാങ്ങാത്തവരുടെ കാർഡുകൾ റദ്ദാക്കരുത് കേന്ദ്രത്തിന് കത്തയച്ച് ഭക്ഷ്യമന്ത്രി അനൂപ് ജേക്കബ് 
ദേശീയ വോളിബോൾ ചാമ്പ്യൻഷിപ്പ് സബ് ജൂനിയർ കേരള ടീമിൽ വയനാടിന്റെ എസ്. ദൃശ്യ 
അനന്തവൈവിധ്യം 2026 അന്താരാഷ്ട്ര കോൺക്ലേവ് ഒക്ടോബർ 26 ന് മന്ത്രി കെ. എം. ഷാജി ഉദ്ഘാടനം ചെയ്യും 
കൊടുവള്ളി സമ്പൂർണ്ണ യു.ഡി.ഐ.ഡി. ലഭ്യമാക്കിയ ആദ്യ ബ്ലോക്ക് പഞ്ചായത്ത് 
കായലോളങ്ങളുടെ നാട്ടിൽ വിസ്മയമൊരുക്കാൻ എടവനക്കാട് ടൂറിസം ഫെസ്റ്റ് ‘തീരതാളം 26 ദേശീയ വോളിബോൾ ചാമ്പ്യൻഷിപ്പ് സബ് ജൂനിയർ കേരള ടീമിൽ വയനാടിന്റെ എസ്. ദൃശ്യ
സ്കൂൾസ് ദേശീയ വോളിബോൾ ചാമ്പ്യൻഷിപ്പിനുള്ള സബ് ജൂനിയർ കേരള ടീമിൽ സുൽത്താൻ ബത്തേരി സെന്റ് മേരീസ് അക്കാദമിയിലെ എസ്. ദൃശ്യ ഇടം നേടി. മികച്ച ഭാവി താരമായി തിരഞ്ഞെടുക്കപ്പെട്ട ദൃശ്യ വയനാട് ജില്ലാ ടീം ക്യാപ്റ്റനാണ്.
Angel Varghese 
ദേശീയ വോളിബോൾ ചാമ്പ്യൻഷിപ്പ്: കേരള ടീമിൽ ഇടം നേടി വയനാടിന്റെ എസ്. ദൃശ്യ
കൽപറ്റ (വയനാട്): സ്കൂൾസ് ദേശീയ വോളിബോൾ ചാമ്പ്യൻഷിപ്പിനുള്ള സബ് ജൂനിയർ കേരള ടീമിൽ വയനാട്ടിൽ നിന്നുള്ള താരം എസ്. ദൃശ്യ ഇടം നേടി. സുൽത്താൻ ബത്തേരി സെന്റ് മേരീസ് വോളിബോൾ അക്കാദമിയിലെ എട്ടാം ക്ലാസ് വിദ്യാർഥിനിയാണ് ദൃശ്യ. ടൂർണമെന്റിലുടനീളം മികച്ച പ്രകടനം പുറത്തെടുത്ത ഈ പ്രതിഭയെ ചാമ്പ്യൻഷിപ്പിലെ 'മികച്ച ഭാവി താരം' (Promising Player) ആയും തിരഞ്ഞെടുത്തിട്ടുണ്ട്.
നിലവിൽ സബ് ജൂനിയർ വിഭാഗത്തിൽ സംസ്ഥാന ചാമ്പ്യന്മാരായ വയനാട് ജില്ലാ ടീമിന്റെ ക്യാപ്റ്റൻ കൂടിയാണ് ദൃശ്യ. കഴിഞ്ഞ ഒരു വർഷമായി ജില്ലാ ടീമിൽ സജീവ സാന്നിധ്യമായ ദൃശ്യ, ടീമിൽ അറ്റാക്കർ പൊസിഷനിലാണ് കളിക്കുന്നത്. അക്കാദമി കോച്ച് വി.എം. അശോകന്റെ നേതൃത്വത്തിൽ നൽകിയ രണ്ടു വർഷത്തെ ചിട്ടയായ പരിശീലനമാണ് ഈ നേട്ടത്തിന് വഴിയൊരുക്കിയത്.
മീനങ്ങാടി കരണി സ്വദേശികളായ സി.പി. സന്തോഷ് കുമാർ - എം.പി. ശുഭ ദമ്പതികളുടെ മകളാണ് ദൃശ്യ. നവംബർ 23 മുതൽ മഹാരാഷ്ട്രയിൽ വച്ചാണ് ദേശീയ വോളിബോൾ ചാമ്പ്യൻഷിപ്പ് അരങ്ങേറുന്നത്. ദേശീയ പോരാട്ടത്തിൽ കേരളത്തിനായി മികച്ച പ്രകടനം പുറത്തെടുക്കാനുള്ള തീവ്ര പരിശീലനത്തിലാണ് നിലവിൽ ഈ യുവതാരം.
