സാനിറ്ററി മാലിന്യ ശേഖരണം വിപുലീകരിച്ച് തൊടുപുഴ നഗരസഭ 
എൺപത്തിയഞ്ച് നാടൻ വിഭവങ്ങളുമായി വിദ്യാർത്ഥികളും അധ്യാപകരും 
ജപ്പാനില് ട്രെയിനിടിച്ച് മരിച്ച മലയാളി യുവതി ദേവികയുടെ ചിതാഭസ്മം നാട്ടിലെത്തിച്ചു 
കരാറുകാരന്റെ വീഴ്ച, വീണ്ടും ടെണ്ടർ കുറ്റിപ്പാല ഫ്ലാറ്റിന്റെ നിർമ്മാണത്തിന് പുതിയ ജീവൻ 
പ്രിയദർശിനി ബസിനുള്ള ഫണ്ട് കൈമാറി പാറക്കൽ അബ്ദുല്ല എം. എൽ. എ. 
നവരാത്രി സർഗ്ഗോത്സവം 2026 ഉപരാഷ്ട്രപതി സി. പി. രാധാകൃഷ്ണൻ ഉദ്ഘാടനം ചെയ്തു ട്വന്റി20 ലോകകപ്പ് വിജയം സഞ്ജു സാംസണെ പ്രകീർത്തിച്ച് മുഖ്യമന്ത്രി ഇത് പ്രതികാരമെന്ന് പിതാവ്
ടി20 ലോകകപ്പ് ഫൈനലിൽ ഇന്ത്യ കിരീടം ചൂടിയപ്പോൾ തിളങ്ങിയ സഞ്ജു സാംസണെ അഭിനന്ദിച്ച് മുഖ്യമന്ത്രി പിണറായി വിജയനും സഞ്ജുവിന്റെ പിതാവ് സാംസണും രംഗത്ത്
അനില എം കൃഷ്ണൻ 
ലോകകപ്പ് ഫൈനലിൽ ഇന്ത്യക്ക് ഉജ്ജ്വല ജയം: സഞ്ജുവിന്റെ പ്രകടനം അഭിമാനമെന്ന് മുഖ്യമന്ത്രി; ഇത് മകന്റെ പ്രതികാരമെന്ന് പിതാവ്
തിരുവനന്തപുരം: ട്വന്റി20 ലോകകപ്പ് ഫൈനലിൽ ന്യൂസീലൻഡിനെതിരെ ഇന്ത്യ നേടിയ ചരിത്രവിജയത്തെ പ്രകീർത്തിച്ച് മുഖ്യമന്ത്രി പിണറായി വിജയൻ. ഓരോ ഇന്ത്യക്കാരന്റെയും ഹൃദയമിടിപ്പിനോളം ആഴമുള്ളതാണ് ഈ വിജയമെന്നും, പ്രത്യേകിച്ച് മലയാളി താരം സഞ്ജു സാംസണിന്റെ പ്രകടനം ഓരോ മലയാളിക്കും ആവേശകരമാണെന്നും അദ്ദേഹം പറഞ്ഞു.
ഫൈനലിലെ നിർണായക പ്രകടനത്തിലൂടെയും ടൂർണമെന്റിലുടനീളം പുലർത്തിയ സ്ഥിരതയാർന്ന ബാറ്റിങ്ങിലൂടെയും സഞ്ജു ടീമിന്റെ നട്ടെല്ലായി മാറിയെന്ന് മുഖ്യമന്ത്രി ഫെയ്‌സ്ബുക്കിൽ കുറിച്ചു. ടൂർണമെന്റിലെ മികച്ച കളിക്കാരനുള്ള ബഹുമതി (Player of the Tournament) സഞ്ജുവിനെ തേടിയെത്തിയത് ഈ നേട്ടത്തിന്റെ മാറ്റുകൂട്ടുന്നു. പ്രതിഭയും കഠിനാധ്വാനവും ഒത്തുചേർന്നാൽ ഏതു വലിയ ലക്ഷ്യവും കീഴടക്കാമെന്നു സഞ്ജു തെളിയിച്ചതായും അദ്ദേഹം കൂട്ടിച്ചേർത്തു.
ഇത് സഞ്ജുവിന്റെ മറുപടി: സാംസൺ വിശ്വനാഥ്
ലോകകപ്പ് വിജയം സഞ്ജുവിന്റെ മധുരപ്രതികാരമാണെന്ന് പിതാവ് സാംസൺ വിശ്വനാഥ് പ്രതികരിച്ചു. മുൻകാലങ്ങളിൽ നേരിട്ട അവഗണനകൾക്കും പരാജയങ്ങൾക്കുമുള്ള മറുപടിയാണ് ഈ നേട്ടം. ലോകകപ്പ് ടീമിൽ ഇടം ലഭിക്കുമോ എന്ന കാര്യത്തിൽ ആശങ്കയുണ്ടായിരുന്നുവെന്നും, എന്നാൽ ലഭിച്ച അവസരം ഏറ്റവും മികച്ച രീതിയിൽ സഞ്ജു പ്രയോജനപ്പെടുത്തിയെന്നും അദ്ദേഹം തിരുവനന്തപുരത്ത് പറഞ്ഞു.
