ഹരിപ്പാട് ഉപജില്ലാതല സ്കൂൾ പ്രവേശന ഉത്സവം മന്ത്രി രമേശ് ചെന്നിത്തല ഉദ്ഘാടനം ചെയ്തു മികച്ച വിദ്യാർത്ഥിയെ അനുമോദിച്ചു
ഹരിപ്പാട് ഉപജില്ലാതല സ്കൂൾ പ്രവേശന ഉത്സവം കാർത്തികപ്പള്ളി ഗവ. യു.പി. സ്കൂളിൽ ആഭ്യന്തരവകുപ്പ് മന്ത്രി രമേശ് ചെന്നിത്തല ഉദ്ഘാടനം ചെയ്തു. മികച്ച വിദ്യാർത്ഥിയെ ചടങ്ങിൽ അനുമോദിച്ചു.
Angel Varghese 
സ്കൂൾ പ്രവേശന ഉത്സവം: ഹരിപ്പാട് ഉപജില്ലാതല ഉദ്ഘാടനം കാർത്തികപ്പള്ളി ജി.യു.പി സ്കൂളിൽ മന്ത്രി രമേശ് ചെന്നിത്തല നിർവ്വഹിച്ചു
ഹരിപ്പാട്: പുതിയ അധ്യയന വർഷത്തെ വരവേറ്റുകൊണ്ട് ഹരിപ്പാട് ഉപജില്ലാതല സ്കൂൾ പ്രവേശന ഉത്സവം കാർത്തികപ്പള്ളി ഗവ. യു.പി. സ്കൂളിൽ വെച്ച് ആഭ്യന്തരവകുപ്പ് മന്ത്രി രമേശ് ചെന്നിത്തല ഉദ്ഘാടനം ചെയ്തു. കുട്ടികൾക്ക് മധുരവും സമ്മാനങ്ങളും നൽകിയാണ് പ്രവേശന ഉത്സവം ആഘോഷമാക്കിയത്.
കഴിഞ്ഞ അധ്യയന വർഷത്തെ (2025-26) ഏറ്റവും മികച്ച വിദ്യാർത്ഥിയായി തിരഞ്ഞെടുക്കപ്പെട്ട എസ്. പാർത്ഥസാരഥിയെ ചടങ്ങിൽ മന്ത്രി രമേശ് ചെന്നിത്തല ഉപഹാരം നൽകി അനുമോദിച്ചു.
ചിങ്ങോലി ഗ്രാമപഞ്ചായത്ത് പ്രസിഡൻ്റ് സുബി സുധാകരൻ ചടങ്ങിൽ അധ്യക്ഷത വഹിച്ചു. മുതുകുളം ബ്ലോക്ക് പഞ്ചായത്ത് പ്രസിഡൻ്റ് ടി. എസ്. താഹ, ചിങ്ങോലി പഞ്ചായത്ത് വൈസ് പ്രസിഡൻ്റ് അമ്പിളി ദേവി എന്നിവർ മുഖ്യാതിഥികളായിരുന്നു.
പഞ്ചായത്ത് സ്ഥിരം സമിതി അധ്യക്ഷരായ ജി. സജിനി, ഷീജ, ആർ. ബിനു രാജ്, ഹരിപ്പാട് എ.ഇ.ഓ. സി. മധു, കാർത്തികപ്പള്ളി സ്കൂൾ പ്രഥമ അധ്യാപകൻ ബിജു വി. മുതുകുളം, എസ്.എം.സി. ചെയർമാൻ അനീഷ് എസ്. ചേപ്പാട് എന്നിവർ ചടങ്ങിൽ ആശംസകൾ അർപ്പിച്ചു സംസാരിച്ചു.
ഗ്രാമപഞ്ചായത്ത് അംഗങ്ങളായ മിനി ശ്രീജേഷ്, സി.പി. രാധാകൃഷ്ണൻ, വിനോദ്, മീനാകുമാരി, സരിത ജയപ്രകാശ്, എ. എം. നൗഷാദ്, സാജൻ, കെ. എൻ. നിയാസ്, പഞ്ചായത്ത് സെക്രട്ടറി എസ്. ജയശ്രീ, ഹരിപ്പാട് ബി.പി.സി. ഇൻചാർജ് രശ്മിഭായി, എസ്.എം.സി. വൈസ് ചെയർപേഴ്സൺ വീണ വി. നായർ, കൂടാതെ ആർ. സജി ചന്ദ്രൻ, ആർ. രമേശ്, എസ്. സവിത, എൻ. ആർ. സിന്ധു, റ്റി. ശ്രീജ തുടങ്ങിയ ജനപ്രതിനിധികളും അധ്യാപകരും രക്ഷിതാക്കളും ചടങ്ങിൽ പങ്കെടുത്തു. പുതിയതായി സ്കൂളിലേക്ക് എത്തിയ കുട്ടികളെയും രക്ഷിതാക്കളെയും അധ്യാപകരും നാട്ടുകാരും ചേര്ന്ന് ഹൃദ്യമായി സ്വീകരിച്ചു.
