വിജയ് ദേവരകൊണ്ടയുടെ ഗ്ലോബൽ പ്രോജക്റ്റിന് തുടക്കം പൂജ ചടങ്ങിൽ ക്ലാപ്പടിച്ച് നാനി
വിജയ് ദേവരകൊണ്ട ശൗരു കൂട്ടുകെട്ടിൽ ഒരുങ്ങുന്ന പുതിയ പാൻ ഇന്ത്യൻ ചിത്രത്തിന് ഹൈദരാബാദിൽ തുടക്കമായി. ഹോളിവുഡ് സാങ്കേതിക വിദഗ്ധർ അണിനിരക്കുന്ന ചിത്രത്തിന്റെ വിശേഷങ്ങൾ വായിക്കാം.
Pratheesh Sekhar 
വിജയ് ദേവരകൊണ്ട - ശൗരു ഗ്ലോബൽ പ്രോജക്റ്റിന് പൂജയോടെ തുടക്കം; ക്ലാപ്പടിച്ച് നാനി
ഹൈദരാബാദ്: തെലുങ്ക് യുവതാരം വിജയ് ദേവരകൊണ്ടയുടെ കരിയറിലെ ഏറ്റവും വലിയ ബിഗ് ബജറ്റ് ഗ്ലോബൽ പ്രോജക്ടിന് ഹൈദരാബാദിൽ തുടക്കമായി. 'ഹായ് നാനാ' എന്ന ഹിറ്റ് ചിത്രത്തിന് ശേഷം ശൗരു സംവിധാനം ചെയ്യുന്ന ഈ ചിത്രത്തിന്റെ പൂജാ ചടങ്ങ് പ്രമുഖരുടെ സാന്നിധ്യത്തിൽ നടന്നു. നാച്ചുറൽ സ്റ്റാർ നാനി സ്വിച്ച് ഓൺ കർമ്മം നിർവ്വഹിച്ചതോടെ ചിത്രീകരണം ഔദ്യോഗികമായി ആരംഭിച്ചു.
ഇന്ത്യൻ സിനിമയെ അന്താരാഷ്ട്ര നിലവാരത്തിലേക്ക് ഉയർത്തുക എന്ന ലക്ഷ്യത്തോടെ വൈര ബാനറിലാണ് ചിത്രം ഒരുങ്ങുന്നത്. പുരാണ പശ്ചാത്തലത്തിൽ ഒരു പുതിയ ലോകം സൃഷ്ടിക്കുന്ന ഈ ചിത്രം ദൃശ്യവിസ്മയങ്ങൾക്ക് പ്രാധാന്യം നൽകുന്ന ഒന്നായിരിക്കും.
ഹോളിവുഡ് സാങ്കേതിക വിദഗ്ധരുടെ നിര
ചിത്രത്തിന്റെ പ്രഖ്യാപന പോസ്റ്റർ ഇതിനോടകം തന്നെ സോഷ്യൽ മീഡിയയിൽ വൈറലാണ്. ഹോളിവുഡ് നിലവാരത്തിലുള്ള സാങ്കേതിക ടീമാണ് ചിത്രത്തിനായി അണിനിരക്കുന്നത്:
ഛായാഗ്രഹണം: അലേഹാൻഡ്രോ മാർട്ടിനെസ് (ഹൗസ് ഓഫ് ദ ഡ്രാഗൺ, ഫോൾഔട്ട്)
വിഎഫ്എക്സ് സൂപ്പർവൈസർ: എറിക് ഡർസ്റ്റ് (ഗോഡ്സ് ഓഫ് ഈജിപ്റ്റ്, ബാറ്റ്മാൻ ഫോറേവർ)
പ്രൊഡക്ഷൻ ഡിസൈൻ: സുരേഷ് സെൽവരാജൻ (അനിമൽ, ഓം ശാന്തി ഓം)
സംഗീതം: ഹിഷാം അബ്ദുൽ വഹാബ്
എഡിറ്റിംഗ്: പ്രവീൺ ആന്റണി
കോസ്റ്റ്യൂം ഡിസൈൻ: സച്ചിൻ ലോവലെക്കർ
വാരണാസി, രാക്ക തുടങ്ങിയ സിനിമകൾക്ക് പിന്നാലെ ഇന്ത്യൻ സിനിമയെ ആഗോള തലത്തിൽ എത്തിക്കാനുള്ള ശ്രമത്തിലാണ് വിജയ് ദേവരകൊണ്ടയും സംഘവും. ചിത്രത്തെക്കുറിച്ചുള്ള കൂടുതൽ വിവരങ്ങൾ വരും ദിവസങ്ങളിൽ പുറത്തുവിടുമെന്ന് അണിയറപ്രവർത്തകർ അറിയിച്ചു
