അപേക്ഷ ക്ഷണിച്ചു

​ബ്ലോക്ക് റിസോഴ്സ് പേഴ്സൺ: ഒഴിവുകളിലേക്ക് അപേക്ഷ ക്ഷണിച്ചു

​തിരുവനന്തപുരം: സംസ്ഥാനത്തെ വിവിധ കേന്ദ്രാവിഷ്കൃത പദ്ധതികളുടെ സോഷ്യൽ ഓഡിറ്റ് നടത്തുന്നതിനായി ബ്ലോക്ക് റിസോഴ്സ് പേഴ്സൺമാരെ നിയമിക്കുന്നു. 14 ജില്ലകളിലുമായി നിലവിലുള്ള ഏതാനും ഒഴിവുകളിലേക്കാണ് സോഷ്യൽ ഓഡിറ്റ് സൊസൈറ്റി കേരള അപേക്ഷ ക്ഷണിച്ചത്.

​തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് 30 ദിവസം നീണ്ടുനിൽക്കുന്ന നിർബന്ധിത റെസിഡൻഷ്യൽ പരിശീലനം നൽകും. ഈ പരിശീലന കാലയളവ് ഡ്യൂട്ടിയായി തന്നെ പരിഗണിക്കുന്നതാണ്. പ്രതിമാസം ഹോണറേറിയവും മറ്റ് അലവൻസുകളും ഉൾപ്പെടെ 19,290 രൂപയാണ് വേതനം. ജില്ലാടിസ്ഥാനത്തിലാണ് നിയമനമെങ്കിലും ജില്ലയിലെ വിവിധ ബ്ലോക്കുകളിൽ പ്രവർത്തിക്കാൻ ഉദ്യോഗാർത്ഥികൾ തയ്യാറായിരിക്കണം.

​യോഗ്യതകൾ:

​ഏതെങ്കിലും വിഷയത്തിൽ 55 ശതമാനം മാർക്കോടെയുള്ള ബിരുദാനന്തര ബിരുദം (Post Graduation).

​കമ്പ്യൂട്ടർ പരിജ്ഞാനം നിർബന്ധം.

​സാമൂഹ്യ-സന്നദ്ധ സേവന മേഖലകളിലെ പ്രവൃത്തിപരിചയം ഉള്ളവർക്ക് മുൻഗണന.

​പ്രായപരിധി:

35 വയസ്സ് കവിയാൻ പാടില്ല. പട്ടികജാതി-പട്ടികവർഗ്ഗ വിഭാഗക്കാർക്ക് നിയമാനുസൃതമായ അഞ്ച് വർഷത്തെ ഇളവ് ലഭിക്കും.

​അപേക്ഷിക്കേണ്ട വിധം:

താല്പര്യമുള്ളവർ ജനുവരി 20-നകം ഓൺലൈനായി അപേക്ഷ സമർപ്പിക്കണം. https://forms.gle/DZwrMVTZQZ9o3rg28 എന്ന ഗൂഗിൾ ഫോം ലിങ്ക് വഴിയോ അല്ലെങ്കിൽ സോഷ്യൽ ഓഡിറ്റ് സൊസൈറ്റി കേരളയുടെ ഔദ്യോഗിക വെബ്സൈറ്റായ www.socialaudit.kerala.gov.in സന്ദർശിച്ചോ അപേക്ഷകൾ സമർപ്പിക്കാവുന്നതാണ്.