നോർക്ക കെൽ സൗജന്യ നൈപുണ്യ പരിശീലനം ഇപ്പോൾ അപേക്ഷിക്കാം.
വിദേശ തൊഴിൽ ലക്ഷ്യമിട്ടുള്ള നോർക്ക കെൽ സൗജന്യ റസിഡൻഷ്യൽ പരിശീലനത്തിന് അപേക്ഷ ക്ഷണിച്ചു. വയർമാൻ ലൈസൻസ് ഉള്ളവർക്കും ഐടിഐ ഡിപ്ലോമക്കാർക്കും അവസരം.
അനില എം കൃഷ്ണൻ 
നോർക്ക-കെൽ സൗജന്യ നൈപുണ്യ പരിശീലനം: ഒഴിവുള്ള സീറ്റുകളിലേക്ക് ഇപ്പോൾ അപേക്ഷിക്കാം
തിരുവനന്തപുരം: വിദേശരാജ്യങ്ങളിൽ തൊഴിൽ ആഗ്രഹിക്കുന്നവർക്കായി നോർക്ക റൂട്ട്സും കേരള ഇലക്ട്രിക്കൽ ആന്റ് അലൈഡ് എഞ്ചിനീയറിംഗ് കമ്പനി ലിമിറ്റഡും (കെൽ) സംയുക്തമായി സംഘടിപ്പിക്കുന്ന സൗജന്യ ഹ്രസ്വകാല നൈപുണ്യ പരിശീലന പ്രോഗ്രാമിലേക്ക് അപേക്ഷ ക്ഷണിച്ചു. ഇലക്ട്രിക്കൽ മെയിന്റനൻസ് ടെക്നീഷ്യൻ കോഴ്സിലെ ഒഴിവുള്ള സീറ്റുകളിലേക്കാണ് ഇപ്പോൾ അവസരം.
തിരഞ്ഞെടുക്കപ്പെടുന്നവർക്ക് കോഴ്സ് ഫീസ്, താമസം, ഭക്ഷണം എന്നിവ സൗജന്യമായിരിക്കും. ഇതിനുള്ള ചെലവുകൾ നോർക്ക റൂട്ട്സാണ് വഹിക്കുന്നത്. എറണാകുളം തൃപ്പുണിത്തുറയിലുള്ള കെല്ലിന്റെ മാമല യൂണിറ്റിലാണ് പരിശീലനം നടക്കുന്നത്.
യോഗ്യതകൾ:
വയർമാൻ ലൈസൻസ് ഉള്ളവർക്ക് മുൻഗണന. (ഇവർക്ക് പ്രവൃത്തിപരിചയം നിർബന്ധമില്ല).
ഡിപ്ലോമ/ഐ.ടി.ഐ/കെ.ജി.സി.ഇ വിദ്യാഭ്യാസ യോഗ്യതയും ഒരു വർഷത്തെ പ്രവൃത്തിപരിചയവുമുള്ളവർക്കും അപേക്ഷിക്കാം.
അപേക്ഷിക്കേണ്ട വിധം:
താല്പര്യമുള്ളവർ നോർക്ക റൂട്ട്സിന്റെ ഔദ്യോഗിക വെബ്സൈറ്റായ www.norkaroots.kerala.gov.in വഴി ഫെബ്രുവരി 25-നകം അപേക്ഷ സമർപ്പിക്കണം. അപേക്ഷകരിൽ നിന്നും അഭിമുഖത്തിന്റെ അടിസ്ഥാനത്തിലായിരിക്കും തിരഞ്ഞെടുപ്പ്.
കൂടുതൽ വിവരങ്ങൾക്ക്:
ഫോൺ: 0471 2770531, 539, 566
ടോൾ ഫ്രീ നമ്പർ (ഇന്ത്യ): 1800 425 3939
വിദേശത്തുനിന്നും: +91-8802 012 345 (മിസ്ഡ് കോൾ സർവ്വീസ്)
