സ്കൂള് പരിസരങ്ങളില് വന് ലഹരി വേട്ട പുകയില ഉത്പന്നങ്ങള് പിടിച്ചെടുത്തു
പൂക്കോട്ടൂര് പഞ്ചായത്തിലെ വിദ്യാലയ പരിസരങ്ങളില് ആരോഗ്യ പോലീസ് എക്സൈസ് വകുപ്പുകള് നടത്തിയ സംയുക്ത പരിശോധനയില് നിരോധിത പുകയില ഉത്പന്നങ്ങള് പിടിച്ചെടുത്തു
Rajeev 
പൂക്കോട്ടൂരില് സ്കൂള് പരിസരങ്ങളില് പരിശോധന: നിരോധിത പുകയില ഉത്പന്നങ്ങള് പിടിച്ചെടുത്തു
പൂക്കോട്ടൂര്: വിദ്യാലയ പരിസര കേന്ദ്രീകരിച്ച് ആരോഗ്യ, പോലീസ്, എക്സൈസ് വകുപ്പുകള് സംയുക്തമായി നടത്തിയ പരിശോധനയില് വന്തോതില് നിരോധിത പുകയില ലഹരി ഉത്പന്നങ്ങള് പിടിച്ചെടുത്തു. പൂക്കോട്ടൂര് പഞ്ചായത്തിലെ വിവിധ സ്കൂളുകളുടെ പരിസരങ്ങളിലുള്ള കടകളിലും സമീപത്തെ ക്വാര്ട്ടേഴ്സുകളിലും കേന്ദ്രീകരിച്ചായിരുന്നു പരിശോധന.
നിരോധിത മേഖലകളില് രഹസ്യമായി വില്പ്പന നടത്തുകയായിരുന്ന സിഗരറ്റ്, ബീഡി, വിവിധതരം പാന് ഉത്പന്നങ്ങള് എന്നിവയാണ് അധികൃതര് പിടിച്ചെടുത്തത്. വിദ്യാര്ത്ഥികളെയും യുവാക്കളെയും ലക്ഷ്യമിട്ട് ലഹരി ഉത്പന്നങ്ങളുടെ വില്പ്പന സജീവമാകുന്നുവെന്ന പരാതിയുടെ അടിസ്ഥാനത്തിലായിരുന്നു സംയുക്ത നീക്കം.
പരിശോധനയ്ക്ക് ഹെല്ത്ത് ഇന്സ്പെക്ടര് പ്രമോജ് വി.ബി., ജൂനിയര് ഹെല്ത്ത് ഇന്സ്പെക്ടര്മാരായ ദേവാനന്ദ് കെ.സി., ജിഷ്ണു കെ., എക്സൈസ് ഉദ്യോഗസ്ഥന് ഹാഷിര്, സബ് ഇന്സ്പെക്ടര് സുഭാഷ് എസ്., സി.പി.ഒ. രതീഷ് എന്നിവര് നേതൃത്വം നല്കി. വരും ദിവസങ്ങളിലും പരിശോധന ശക്തമാക്കുമെന്ന് ഉദ്യോഗസ്ഥര് അറിയിച്ചു
.
