കേന്ദ്ര ആഭ്യന്തര മന്ത്രി അമിത് ഷാ ഇന്ന് കേരളത്തിൽ

കേന്ദ്ര ആഭ്യന്തര മന്ത്രി അമിത് ഷാ ഇന്ന് കേരളത്തിൽ നാളെ വിവിധ പരിപാടികളിൽ പങ്കെടുക്കും

Angel Varghese

Jan 10, 2026 - 08:01 Updated: Jan 10, 2026 - 08:01

കേന്ദ്ര ആഭ്യന്തര മന്ത്രി അമിത് ഷാ ഇന്ന് കേരളത്തിൽ

കേന്ദ്ര ആഭ്യന്തര മന്ത്രി അമിത് ഷാ ഇന്ന് കേരളത്തിൽ; നാളെ വിവിധ പരിപാടികളിൽ പങ്കെടുക്കും

തിരുവനന്തപുരം: കേന്ദ്ര ആഭ്യന്തര മന്ത്രി അമിത് ഷാ ഇന്ന് രാത്രി കേരളത്തിലെത്തും. ബിജെപിയുടെ നിർണ്ണായക യോഗങ്ങളിലും പൊതുപരിപാടികളിലും പങ്കെടുക്കുന്നതിനായുള്ള സന്ദർശനത്തിനിടെ അദ്ദേഹം നാളെ പത്മനാഭസ്വാമി ക്ഷേത്ര ദർശനവും നടത്തും.

ഇന്ന് രാത്രി 10 മണിക്ക് തിരുവനന്തപുരം വിമാനത്താവളത്തിലെത്തുന്ന കേന്ദ്രമന്ത്രിയെ ബിജെപി സംസ്ഥാന നേതാക്കൾ ചേർന്ന് സ്വീകരിക്കും. നാളെ രാവിലെ 10:30-ന് അദ്ദേഹം പത്മനാഭസ്വാമി ക്ഷേത്രത്തിൽ ദർശനം നടത്തും. ഇതിനുശേഷം 11 മണിക്ക് കവടിയാർ ഉദയ് പാലസ് കൺവൻഷൻ സെന്ററിൽ വെച്ച് നടക്കുന്ന ബിജെപി സംസ്ഥാന ജനപ്രതിനിധി സമ്മേളനത്തിന്റെ ഉദ്ഘാടനം അദ്ദേഹം നിർവ്വഹിക്കും.

ഉച്ചയ്ക്ക് ശേഷം മൂന്ന് മണിക്ക് കേരള കൗമുദി സംഘടിപ്പിക്കുന്ന കോൺക്ലേവ് അമിത് ഷാ ഉദ്ഘാടനം ചെയ്യും. തുടർന്ന് വൈകുന്നേരം നാല് മണിക്ക് എൻഡിഎ നേതൃയോഗത്തിലും അഞ്ച് മണിക്ക് ബിജെപി സംസ്ഥാന കോർ കമ്മിറ്റി യോഗത്തിലും അദ്ദേഹം പങ്കെടുക്കും. വരാനിരിക്കുന്ന തിരഞ്ഞെടുപ്പ് പ്രവർത്തനങ്ങളും പാർട്ടി സംവിധാനങ്ങളും സംബന്ധിച്ച മാർഗനിർദ്ദേശങ്ങൾ അദ്ദേഹം യോഗത്തിൽ നൽകും. പരിപാടികൾ പൂർത്തിയാക്കി നാളെ രാത്രി 7 മണിക്ക് അദ്ദേഹം ഡൽഹിയിലേക്ക് മടങ്ങും.