പട്ടികജാതി വികസന വകുപ്പിൽ എം.ബി.എക്കാർക്ക് അവസരം 20,000 രൂപ സ്റ്റൈപ്പന്റ്
കേരള പട്ടികജാതി വികസന വകുപ്പിൽ എം.ബി.എ ബിരുദധാരികൾക്ക് മാനേജ്മെന്റ് ട്രെയിനി ഇന്റേൺഷിപ്പ്. 20,000 രൂപ പ്രതിമാസ സ്റ്റൈപ്പന്റ്. ഫെബ്രുവരി 21 വരെ അപേക്ഷിക്കാം.
Rajeev 
എം.ബി.എ ബിരുദധാരികൾക്ക് മാനേജ്മെന്റ് ട്രെയിനിയാകാം; പട്ടികജാതി വികസന വകുപ്പിൽ അവസരം
തിരുവനന്തപുരം: പട്ടികജാതി വികസന വകുപ്പിന് കീഴിലുള്ള TRACE പദ്ധതിയുടെ ഭാഗമായി എം.ബി.എ (MBA) ബിരുദധാരികളായ പട്ടികജാതി വിഭാഗത്തിൽപ്പെട്ട യുവതീ യുവാക്കൾക്ക് മാനേജ്മെന്റ് ട്രെയിനി ഇന്റേൺഷിപ്പിന് അപേക്ഷിക്കാം. തിരഞ്ഞെടുക്കപ്പെടുന്നവർക്ക് പ്രതിമാസം 20,000 രൂപ ഓണറേറിയം ലഭിക്കും.
പട്ടികജാതി വികസന വകുപ്പ് ഡയറക്ടറേറ്റ്, കേരള സംസ്ഥാന പട്ടികജാതി പട്ടികവർഗ്ഗ വികസന കോർപ്പറേഷൻ (മുഖ്യ കാര്യാലയവും 14 ജില്ലാ ഓഫീസുകളും), കേരള സംസ്ഥാന പരിവർത്തിത ക്രൈസ്തവ ശുപാർശിത വിഭാഗ വികസന കോർപ്പറേഷൻ ഓഫീസുകൾ എന്നിവിടങ്ങളിലാണ് ട്രെയിനികളെ നിയമിക്കുന്നത്.
പ്രധാന വിവരങ്ങൾ ഒറ്റനോട്ടത്തിൽ:
യോഗ്യത: പി.എസ്.സി (PSC) അംഗീകൃത എം.ബി.എ ബിരുദം. (നിലവിൽ പഠിച്ചുകൊണ്ടിരിക്കുന്നവർ അപേക്ഷിക്കാൻ അർഹരല്ല).
പ്രായപരിധി: 21 - 40 വയസ്സ്.
പ്രതിമാസ ഓണറേറിയം: 20,000 രൂപ.
അപേക്ഷ സ്വീകരിക്കുന്ന അവസാന തീയതി: ഫെബ്രുവരി 21.
അപേക്ഷിക്കേണ്ട വിധം:
നിശ്ചിത മാതൃകയിലുള്ള അപേക്ഷാ ഫോമുകൾ ജില്ലാ/ബ്ലോക്ക് പട്ടികജാതി വികസന ഓഫീസുകളിൽ നിന്നോ, പട്ടികജാതി പട്ടികവർഗ വികസന കോർപ്പറേഷൻ ഓഫീസുകളിൽ നിന്നോ ലഭ്യമാണ്. കൂടാതെ പട്ടികജാതി വികസന വകുപ്പ് ഡയറക്ടറേറ്റിന്റെ ഔദ്യോഗിക വെബ്സൈറ്റിൽ നിന്നും അപേക്ഷ ഡൗൺലോഡ് ചെയ്യാം.
അപേക്ഷ അയക്കേണ്ട വിലാസം:
ഡയറക്ടർ, പട്ടികജാതി വികസന വകുപ്പ് ഡയറക്ടറേറ്റ്, നന്ദാവനം, വികാസ് ഭവൻ പി.ഒ., തിരുവനന്തപുരം – 695033.
കൂടുതൽ വിവരങ്ങൾക്കായി 0487 – 2331064 എന്ന ഫോൺ നമ്പറിൽ ബന്ധപ്പെടുക.
