വർക്കലയിൽ കലാമാമാങ്കത്തിന് തുടക്കം ആർട്ട് ഫെസ്റ്റിവൽ വി. പ്രിയദർശിനി ഉദ്ഘാടനം ചെയ്തു
വർക്കല സൺ വ്യൂ ബീച്ച് റിസോർട്ടിൽ ആർട്ടിസ്റ്റ് ഗ്രൂപ്പ് ബൈ രഹന സംഘടിപ്പിക്കുന്ന ആർട്ട് ഫെസ്റ്റിവലിന് വർണാഭമായ തുടക്കം. മുപ്പതിലധികം കലാകാരന്മാരുടെ ചിത്രപ്രദർശനവും വിവിധ കലാപരിപാടികളും അഞ്ച് ദിവസങ്ങളിലായി നടക്കും.
Angel Varghese 
വർക്കലയിൽ ചിത്രകലയും സംഗീതവും കോർത്തിണക്കി കലാമാമാങ്കം; സൺ വ്യൂ ബീച്ച് റിസോർട്ടിൽ തുടക്കമായി
വർക്കല: പ്രകൃതി സൗന്ദര്യവും കലയും സമ്മേളിക്കുന്ന ആവേശത്തിൽ വർക്കല നോർത്ത് ക്ലിഫിലെ സൺ വ്യൂ ബീച്ച് റിസോർട്ടിൽ ആർട്ട് ഫെസ്റ്റിവലിന് തുടക്കമായി. 'ആർട്ടിസ്റ്റ് ഗ്രൂപ്പ് ബൈ രഹന' സംഘടിപ്പിക്കുന്ന ഈ കലാമേള തിരുവനന്തപുരം ജില്ലാ പഞ്ചായത്ത് പ്രസിഡന്റ് വി. പ്രിയദർശിനി ഉദ്ഘാടനം ചെയ്തു. പ്രേം നസീർ സുഹൃത് സമിതി പ്രസിഡന്റ് പനച്ചമൂട് ഷാജഹാൻ ചടങ്ങിൽ അദ്ധ്യക്ഷത വഹിച്ചു.
വർക്കല മുനിസിപ്പൽ ചെയർപേഴ്സൺ ഗീത ഹേമചന്ദ്രൻ മുഖ്യപ്രഭാഷണം നടത്തി. ചടങ്ങിൽ കവിയത്രി ഷംസ് ആബ്ദീൻ, ആർട്ടിസ്റ്റ് കലേഷ് തൃപ്പൂണിത്തുറ, ജോൺ ജോസഫ്, സൈനുൽ ആബ്ദീൻ, ആന്റണി ജോസഫ്, ഷിനു വർക്കല, പീപ്പിൾ ന്യൂസ് പീർ മുഹമ്മദ് എന്നിവർ സംസാരിച്ചു. സംവിധായകൻ ജയൻ വി. പോറ്റി സ്വാഗതവും ക്യൂറേറ്റർ രഹന സലീൽ നന്ദിയും രേഖപ്പെടുത്തി.
ഇന്ത്യക്കകത്തും പുറത്തുമുള്ള മുപ്പതിലധികം പ്രശസ്ത കലാകാരന്മാരുടെ ചിത്രങ്ങളാണ് പ്രദർശനത്തിൽ ഒരുക്കിയിരിക്കുന്നത്. അഞ്ച് ദിവസം നീണ്ടുനിൽക്കുന്ന ഫെസ്റ്റിവലിൽ വൈകുന്നേരം 6 മണി മുതൽ വിവിധ കലാപരിപാടികൾ അരങ്ങേറും.
പ്രധാന പരിപാടികൾ:
ഗസൽ സന്ധ്യ: അബൂബക്കറിന്റെ നേതൃത്വത്തിൽ മർഹബയുടെ ഗസൽ സംഗീതം.
ഗാനമേളകൾ: അജയ് വെള്ളരിപ്പണ (യശോദ മ്യൂസിക്), നയാസ് ഇല്യാസ് (പാട്ടിന്റെ കൂട്ടുകാർ), മിനി മഞ്ചേരി (ശബ്ദസ്വര).
സംഗീത നിശ: നൂറുൽ ഹസ്സന്റെ നേതൃത്വത്തിൽ 'തനിമ'.
നാടൻ കലകൾ: മേൽ കടക്കാവൂർ സഹസ്ര ടീമിന്റെ കൈകൊട്ടിക്കളിയും സിനിമാറ്റിക് ഡാൻസും.
വർക്കലയിലെത്തുന്ന സന്ദർശകർക്ക് ദൃശ്യ-ശ്രാവ്യ വിരുന്നൊരുക്കുന്ന ഈ ഫെസ്റ്റിവൽ കലയും സംസ്കാരവും ജനങ്ങളിലേക്ക് എത്തിക്കാനുള്ള വലിയൊരു വേദിയായി മാറിയിരിക്കുകയാണ്.
