കണ്ണൂരിൽ ഓണം വാരാഘോഷത്തിന് വർണാഭമായ സമാപനം കെ. സുധാകരൻ എം.പി ഉദ്ഘാടനം ചെയ്തു

സംസ്ഥാന ടൂറിസം വകുപ്പും ഡി.ടി.പി.സി.യും ചേർന്ന് കണ്ണൂർ കളക്ടറേറ്റ് മൈതാനിയിൽ സംഘടിപ്പിച്ച ഓണം വാരാഘോഷ പരിപാടികൾക്ക് സമാപനം. കെ. സുധാകരൻ എം.പി സമാപന സമ്മേളനം ഉദ്ഘാടനം ചെയ്തു.

Mathew P M

Aug 31, 2026 - 05:09

കണ്ണൂരിൽ ഓണം വാരാഘോഷത്തിന് വർണാഭമായ സമാപനം കെ. സുധാകരൻ എം.പി ഉദ്ഘാടനം ചെയ്തു

ഡി ടി പി സി ഓണം വാരാഘോഷത്തിന്റെ സമാപന സമ്മേളനം കെ സുധാകരൻ എംപി ഉദ്ഘാടനം ചെയ്യുന്നു

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

🥳 *KSFE - ഉടൻ ആരംഭിക്കുന്ന മെഗാ ബിനിനസ് ക്ലാസ് ചിട്ടി*

ഓണം വാരാഘോഷത്തിന് വർണാഭമായ സമാപനം

കണ്ണൂർ: സംസ്ഥാന ടൂറിസം വകുപ്പും ജില്ലാ ടൂറിസം പ്രൊമോഷൻ കൗൺസിലും (ഡി.ടി.പി.സി) സംയുക്തമായി സംഘടിപ്പിച്ച ഓണം വാരാഘോഷ പരിപാടികൾക്ക് വർണാഭമായ സമാപനം. കളക്ടറേറ്റ് മൈതാനിയിൽ നടന്ന സമാപന സമ്മേളനം കെ. സുധാകരൻ എം.പി ഉദ്ഘാടനം ചെയ്തു.

ജനങ്ങൾക്ക് ബുദ്ധിമുട്ടുകളൊന്നുമില്ലാതെ സന്തോഷത്തോടെ ആഘോഷിക്കാൻ കഴിഞ്ഞ ഓണക്കാലമാണ് കടന്നുപോയതെന്ന് അദ്ദേഹം ഉദ്ഘാടന പ്രസംഗത്തിൽ പറഞ്ഞു. ഓണം വിപണികൾ വളരെ സജീവമായിരുന്നുവെന്നും ജനങ്ങൾ ആവേശത്തോടെയാണ് വിപണിയിലെത്തിയതെന്നും അദ്ദേഹം കൂട്ടിച്ചേർത്തു. മികച്ച രീതിയിലുള്ള സാംസ്കാരിക പരിപാടികളാണ് ഇത്തവണ ഓണാഘോഷത്തിന്റെ ഭാഗമായി ഒരൊറ്റ കുടക്കീഴിൽ സംഘടിപ്പിക്കപ്പെട്ടത്.

ചടങ്ങിൽ ടി. ഒ. മോഹനൻ എം.എൽ.എ അധ്യക്ഷത വഹിച്ചു. മേയർ പി. ഇന്ദിര, ജില്ലാ കളക്ടർ പി. വിഷ്ണുരാജ്, ഡെപ്യൂട്ടി മേയർ കെ. പി. താഹിർ, കണ്ണൂർ റേഞ്ച് ഡി.ഐ.ജി കെ. കാർത്തിക്, സിറ്റി പോലീസ് കമ്മീഷണർ വിജയ ഭരത് റെഡ്ഢി, കോർപ്പറേഷൻ പൊതുമരാമത്ത് സ്ഥിരം സമിതി അധ്യക്ഷൻ റിജിൽ മാക്കുറ്റി, അസിസ്റ്റന്റ് കളക്ടർ എസ്. സ്വാതി, ഹുസൂർ ശിരസ്തദാർ രാജേഷ് ഖന്ന, ടൂറിസം ഡെപ്യൂട്ടി ഡയറക്ടർ ഡി. വി. പ്രഭാത്, വെള്ളോറ രാജൻ തുടങ്ങിയ പ്രമുഖർ ചടങ്ങിൽ സംസാരിച്ചു.

സമാപന സമ്മേളനത്തിന് ശേഷം വൈവിധ്യമാർന്ന കലാപരിപാടികൾ അരങ്ങേറി. കലാമണ്ഡലം അഭിജോഷ് അവതരിപ്പിച്ച ചാക്യാർകൂത്ത്, പ്രശസ്ത സംഗീത സംവിധായകൻ അൽഫോൻസ് ജോസഫ് നയിച്ച മ്യൂസിക്കൽ നൈറ്റ്, വിവിധ പ്രാദേശിക കലാകാരന്മാരുടെ സാംസ്കാരിക പരിപാടികൾ എന്നിവ സമാപനച്ചടങ്ങിന് മാറ്റുകൂട്ടി.