വായനയുടെ ലോകത്ത് ഓണവസന്തം മൂവാറ്റുപുഴയിൽ ലൈബ്രേറിയൻസ് യൂണിയൻ ഓണാഘോഷം നടന്നു
കേരള സ്റ്റേറ്റ് ലൈബ്രേറിയൻസ് യൂണിയൻ മൂവാറ്റുപുഴ താലൂക്കിന്റെ ആഭിമുഖ്യത്തിൽ ലൈബ്രറി പ്രവർത്തകർക്കായി അക്ഷരമുറ്റത്ത് ഓണനിലാവ് ഓണാഘോഷ പരിപാടി സംഘടിപ്പിച്ചു.
Abu TA 
അക്ഷരമുറ്റത്ത് ഓണനിലാവ്; മൂവാറ്റുപുഴയിൽ ലൈബ്രറി പ്രവർത്തകർ ഒരുമിച്ചു
മൂവാറ്റുപുഴ: കേരള സ്റ്റേറ്റ് ലൈബ്രേറിയൻസ് യൂണിയൻ (KSLU) മൂവാറ്റുപുഴ താലൂക്ക് കമ്മിറ്റിയുടെ ആഭിമുഖ്യത്തിൽ ലൈബ്രറി പ്രവർത്തകർക്കായി ഓണാഘോഷം സംഘടിപ്പിച്ചു. 'അക്ഷരമുറ്റത്ത് ഓണനിലാവ്' എന്ന പേരിൽ എസ്എൻഡിപി ഹയർസെക്കൻഡറി സ്കൂൾ ഓഡിറ്റോറിയത്തിൽ നടന്ന പരിപാടി ഡിഎൽസി അംഗം ജോസ് കരിമ്പന ഉദ്ഘാടനം ചെയ്തു. എഴുത്തുകാരിയും പരിസ്ഥിതി പ്രവർത്തകയുമായ ബിജിലി പ്രബിൻ ചടങ്ങിൽ മുഖ്യാതിഥിയായിരുന്നു.
താലൂക്ക് പ്രസിഡന്റ് സിന്ധു ശശിയുടെ അധ്യക്ഷതയിൽ ചേർന്ന സമ്മേളനത്തിൽ വൈസ് പ്രസിഡന്റ് പ്രിയ കെ.എസ്. സ്വാഗതം ആശംസിച്ചു. ശ്രീമതി ലത അജയ്കുമാറിന്റെ അരങ്ങുണർത്തലോടെയാണ് പരിപാടികൾക്ക് തുടക്കമായത്. എസ്എൻഡിപി യൂണിയൻ പ്രസിഡന്റ് വി.കെ. നാരായണൻ ചടങ്ങിൽ ഓണസന്ദേശം നൽകി.
TLC പ്രസിഡന്റ് ജോഷി സ്കറിയയുടെ നേതൃത്വത്തിൽ ആദരിക്കൽ ചടങ്ങും TLC സെക്രട്ടറി സി.കെ. ഉണ്ണി സമ്മാനദാനവും നിർവഹിച്ചു. ചടങ്ങിൽ പി.കെ. വിജയൻ, എൽദോസ് എം.എ. എന്നിവർ ആശംസകൾ നേർന്നു സംസാരിച്ചു. KSLU എക്സിക്യൂട്ടീവ് കമ്മിറ്റി അംഗം ജിഷ ബാബു നന്ദി രേഖപ്പെടുത്തി. താലൂക്കിലെ വിവിധ ലൈബ്രറികളിൽ നിന്നുള്ള നിരവധി പ്രവർത്തകർ പങ്കെടുത്ത ആഘോഷത്തിൽ വിവിധ കലാ-കായിക മത്സരങ്ങളും വിഭവസമൃദ്ധമായ ഓണസദ്യയും ഒരുക്കിയിരുന്നു.
