നാടിന്റെ അഭിമാനമായി മട്ടന്നൂർ പുരസ്കാര ജേതാക്കൾക്ക് വിമാനത്താവളത്തിൽ വരവേൽപ്പ്
ഏറ്റവും മികച്ച ശുചിത്വ നഗരത്തിനുള്ള സ്വച്ഛ് സിറ്റി ഓഫ് കേരള പുരസ്കാരം ഏറ്റുവാങ്ങി ഡൽഹിയിൽ നിന്നും മടങ്ങിയെത്തിയ മട്ടന്നൂർ നഗരസഭാ ചെയർമാൻ ഷാജിത്ത് മാസ്റ്റർക്കും സംഘത്തിനും മട്ടന്നൂർ അന്താരാഷ്ട്ര വിമാനത്താവളത്തിൽ സ്വീകരണം നൽകി.
സ്വച്ഛ് സിറ്റി ഓഫ് കേരള പുരസ്കാരം; മട്ടന്നൂർ നഗരസഭാ അധികൃതർക്ക് വിമാനത്താവളത്തിൽ ആവേശോജ്ജ്വല സ്വീകരണം
കണ്ണൂർ: ഏറ്റവും മികച്ച ശുചിത്വ നഗരത്തിനുള്ള 'സ്വച്ഛ് സിറ്റി ഓഫ് കേരള' പുരസ്കാരം ഏറ്റുവാങ്ങി തിരിച്ചെത്തിയ മട്ടന്നൂർ നഗരസഭാ അധികൃതർക്ക് മട്ടന്നൂർ അന്താരാഷ്ട്ര വിമാനത്താവളത്തിൽ സ്വീകരണം നൽകി. നഗരസഭ വൈസ് ചെയർപേഴ്സൺ ഒ. പ്രീതയുടെ നേതൃത്വത്തിലാണ് സ്വീകരണം നൽകിയത്. വിമാനത്താവളത്തിലെത്തിയ സംഘത്തെ ജനപ്രതിനിധികളും നഗരസഭാ അധികൃതരും ചേർന്ന് സ്വീകരിച്ചു.
പുരസ്കാരം ഏറ്റുവാങ്ങുന്നതിനായി ഡൽഹിയിലെത്തിയ നഗരസഭാ ചെയർമാൻ ഷാജിത്ത് മാസ്റ്റർ, ആരോഗ്യ സ്ഥിരംസമിതി അധ്യക്ഷൻ കെ. മജീദ്, സെക്രട്ടറി എച്ച് സിമി, ക്ലീൻ സിറ്റി മാനേജർ പി ഷൈൻ, ജോസ്, സ്വച്ഛ് സർവേക്ഷൺ നോഡൽ ഓഫീസർ കെ. എം പ്രസാദ് എന്നിവർക്കാണ് സ്വീകരണം നൽകിയത്.
മുൻ വൈസ് ചെയർമാൻ പി. പുരുഷോത്തമൻ, വ്യാപാരി വ്യവസായി ഏകോപന സമിതി പ്രസിഡന്റ് ദാവാരി മുസ്തഫ, വ്യാപാരി വ്യവസായി സമിതി പ്രസിഡന്റ് ഗണേശൻ, മർച്ചന്റ്സ് അസോസിയേഷൻ സെക്രട്ടറി രാജേന്ദ്രൻ, കൗൺസിലർമാർ, നഗരസഭാ ജീവനക്കാർ, ഗ്രീൻ ഫോഴ്സ് അംഗങ്ങൾ, കുടുംബശ്രീ പ്രവർത്തകർ, രാഷ്ട്രീയ പാർട്ടി പ്രതിനിധികൾ തുടങ്ങിയവർ സ്വീകരണ പരിപാടിയിൽ പങ്കെടുത്തു.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
