പുക്കാട്ടുപടി കഞ്ചാവ് വേട്ട രണ്ട് പേർ കൂടി പോലീസ് പിടിയിൽ പ്രതികളെ റിമാൻഡ് ചെയ്തു
പുക്കാട്ടുപടിയിൽ കാർ അപകടത്തിൽപ്പെട്ടതിനെത്തുടർന്ന് നാല് കിലോ കഞ്ചാവ് പിടികൂടിയ കേസിൽ രണ്ട് യുവാക്കളെ തടിയിട്ടപറമ്പ് പോലീസ് അറസ്റ്റ് ചെയ്തു.
Angel Varghese 
പുക്കാട്ടുപടി കഞ്ചാവ് വേട്ട: രണ്ട് പേർ കൂടി പോലീസ് പിടിയിൽ
പുക്കാട്ടുപടി: കാറിൽ കടത്തുകയായിരുന്ന നാല് കിലോയോളം കഞ്ചാവ് പിടികൂടിയ കേസിൽ രണ്ട് പേരെ കൂടി തടിയിട്ടപറമ്പ് പോലീസ് അറസ്റ്റ് ചെയ്തു. പുക്കാട്ടുപടി തൊഴുത്തിങ്ങ പറമ്പിൽ അഫ്ലു (25), ആലുവ മരോട്ടിക്കൽ ഭാഗത്ത് വാടകയ്ക്ക് താമസിക്കുന്ന മംഗലത്ത് റോഷൻ കിരൺ (27) എന്നിവരാണ് പിടിയിലായത്.
കഴിഞ്ഞ ദിവസം പ്രതികൾ സഞ്ചരിച്ചിരുന്ന കാർ അപകടത്തിൽപ്പെട്ടതിനെത്തുടർന്ന് നടത്തിയ പരിശോധനയിലാണ് വാഹനത്തിനുള്ളിൽ നിന്ന് കഞ്ചാവ് കണ്ടെടുത്തത്. തുടർന്ന് പോലീസ് നടത്തിയ വിശദമായ അന്വേഷണത്തിൽ, സമീപത്തെ ആളൊഴിഞ്ഞ പറമ്പിൽ ഒളിപ്പിച്ചു വെച്ചിരുന്ന നിലയിലും കഞ്ചാവ് കണ്ടെത്തി. പിടിയിലായവരിൽ ഒരാൾ കഞ്ചാവ് വിൽപ്പന നടത്തുന്നയാളും മറ്റൊരാൾ ഇയാളുടെ സഹായിയുമാണെന്ന് പോലീസ് അറിയിച്ചു.
തടിയിട്ടപറമ്പ് ഇൻസ്പെക്ടർ അരുൺകുമാർ, എസ്.ഐമാരായ സജീവ്, നൗഷാദ്, സി.പി.ഒമാരായ നൗഫൽ, കെ.എസ്. അനൂപ് എന്നിവരടങ്ങിയ സംഘമാണ് പ്രതികളെ വലയിലാക്കിയത്. അറസ്റ്റ് ചെയ്ത പ്രതികളെ കോടതിയിൽ ഹാജരാക്കി റിമാൻഡ് ചെയ്തു. സംഭവത്തിൽ കൂടുതൽ പേർക്ക് പങ്കുണ്ടോ എന്ന കാര്യം പോലീസ് അന്വേഷിച്ചു വരികയാണ്.
