തിരുവല്ല സ്വദേശി ഡോ. ബിനോയ് ജോർജ് യുറഗ്വായിലെ ഇന്ത്യൻ അംബാസഡർ
തിരുവല്ല സ്വദേശിയും 2006 ബാച്ച് ഐഎഫ്എസ് ഉദ്യോഗസ്ഥനുമായ ഡോ. ബിനോയ് ജോർജിനെ യുറഗ്വായിലെ പുതിയ ഇന്ത്യൻ അംബാസഡറായി നിയമിച്ചു. നിലവിൽ വിദേശകാര്യ മന്ത്രാലയത്തിൽ ജോയിന്റ് സെക്രട്ടറിയാണ്.
മലയാളിത്തിളക്കം; തിരുവല്ല സ്വദേശി ഡോ. ബിനോയ് ജോർജ് യുറഗ്വായിലെ ഇന്ത്യൻ അംബാസഡർ
ന്യൂഡൽഹി: തിരുവല്ല സ്വദേശിയായ മുതിർന്ന നയതന്ത്രജ്ഞൻ ഡോ. ബിനോയ് ജോർജിനെ യുറഗ്വായിലെ പുതിയ ഇന്ത്യൻ അംബാസഡറായി നിയമിച്ചു. വിദേശകാര്യ മന്ത്രാലയമാണ് ഇത് സംബന്ധിച്ച ഔദ്യോഗിക പ്രഖ്യാപനം നടത്തിയത്. 2006 ബാച്ച് ഇന്ത്യൻ ഫോറിൻ സർവീസ് (IFS) ഉദ്യോഗസ്ഥനായ അദ്ദേഹം നിലവിൽ ന്യൂഡൽഹിയിലെ വിദേശകാര്യ മന്ത്രാലയം ആസ്ഥാനത്ത് കോൺസുലർ, പാസ്പോർട്ട്, വിസ ഡിവിഷനിൽ ജോയിന്റ് സെക്രട്ടറിയായി സേവനമനുഷ്ഠിച്ചു വരികയാണ്.
മികച്ച പ്രവർത്തനപരിചയമുള്ള നയതന്ത്രജ്ഞനാണ് ഡോ. ബിനോയ് ജോർജ്. ഇതിനു മുൻപ് ബംഗ്ലദേശിൽ ഡപ്യൂട്ടി അംബാസഡറായും, ഇറ്റലിയിൽ കോൺസുലർ ജനറലായും അദ്ദേഹം വിജയകരമായി സേവനമനുഷ്ഠിച്ചിട്ടുണ്ട്. ഡൽഹിയിലെ പ്രശസ്തമായ ഇന്ത്യൻ അഗ്രിക്കൾച്ചറൽ റിസർച്ച് ഇൻസ്റ്റിറ്റ്യൂട്ടിൽ (IARI) നിന്ന് പ്ലാന്റ് സയൻസിൽ പിഎച്ച്ഡി ബിരുദം നേടിയ ശേഷമാണ് അദ്ദേഹം സിവിൽ സർവീസിലേക്ക് പ്രവേശിക്കുന്നത്.
തിരുവല്ല മുൻ ആർഡിഒ പുളിമൂട്ടിൽ പി.ഡി. ജോർജിന്റെയും ബിഎസ്എൻഎല്ലിൽ നിന്ന് വിരമിച്ച മറിയാമ്മ ചാക്കോയുടെയും മകനാണ്. ഡോ. ദീപ ജോർജാണ് ഭാര്യ. പുതിയ ചുമതലയേൽക്കുന്നതിനായി അദ്ദേഹം ഉടൻ തന്നെ യുറഗ്വായിലേക്ക് തിരിക്കും.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
