ജയറാം കാളിദാസ് ചിത്രം ആശകൾ ആയിരം നാളെ തിയേറ്ററുകളിലേക്ക്
23 വർഷത്തെ കാത്തിരിപ്പിന് വിരാമം ജയറാം കാളിദാസ് കോമ്പോ വീണ്ടും ഒന്നിക്കുന്ന ആശകൾ ആയിരം നാളെ റിലീസ് ചെയ്യുന്നു. ജി. പ്രജിത്ത് സംവിധാനം ചെയ്യുന്ന ചിത്രത്തിന്റെ വിശേഷങ്ങൾ വായിക്കാം.
Pratheesh Sekhar 
23 വർഷത്തെ കാത്തിരിപ്പിന് വിരാമം; ജയറാം-കാളിദാസ് ചിത്രം 'ആശകൾ ആയിരം' നാളെ തിയേറ്ററുകളിലേക്ക്
കൊച്ചി: മലയാളികളുടെ പ്രിയപ്പെട്ട അച്ഛനും മകനും 23 വർഷങ്ങൾക്ക് ശേഷം വീണ്ടും വെള്ളിത്തിരയിൽ ഒന്നിക്കുന്നു. ജയറാമും കാളിദാസ് ജയറാമും കേന്ദ്രകഥാപാത്രങ്ങളായെത്തുന്ന 'ആശകൾ ആയിരം' നാളെ തിയേറ്ററുകളിൽ പ്രദർശനത്തിനെത്തും. 'കൊച്ചു കൊച്ചു സന്തോഷങ്ങൾ' എന്ന സൂപ്പർഹിറ്റ് ചിത്രത്തിന് ശേഷം ഈ കോമ്പോ ഒന്നിക്കുന്നു എന്ന പ്രത്യേകതയോടെയാണ് ചിത്രം എത്തുന്നത്.
ജി. പ്രജിത്ത് സംവിധാനം ചെയ്യുന്ന ഈ ചിത്രം ഒരു പക്കാ ഫാമിലി എന്റർടെയ്നറാണ്. ജീവിത പ്രാരാബ്ധങ്ങൾക്കിടയിൽ ഉഴറുന്ന ഹരിഹരൻ എന്ന അച്ഛനായി ജയറാം എത്തുമ്പോൾ, സിനിമയെ സ്വപ്നം കണ്ട് നടക്കുന്ന ഉത്തരവാദിത്തങ്ങളില്ലാത്ത മകനായി കാളിദാസ് വേഷമിടുന്നു. അച്ഛനും മകനും തമ്മിലുള്ള വൈകാരിക ബന്ധവും രസകരമായ നിമിഷങ്ങളുമാണ് ചിത്രത്തിന്റെ ഇതിവൃത്തം.
അണിയറപ്രവർത്തകർ:
ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമ്മിക്കുന്ന ചിത്രത്തിന് തിരക്കഥയൊരുക്കിയിരിക്കുന്നത് അരവിന്ദ് രാജേന്ദ്രനും ജൂഡ് ആന്റണി ജോസഫും ചേർന്നാണ്. ജൂഡ് ആന്റണി തന്നെയാണ് ചിത്രത്തിന്റെ ക്രിയേറ്റീവ് ഡയറക്ടറും. ആശാ ശരത്, ഷറഫുദ്ധീൻ, ഇഷാനി കൃഷ്ണ, രമേശ് പിഷാരടി തുടങ്ങിയ വൻ താരനിര തന്നെ ചിത്രത്തിലുണ്ട്. സനൽ ദേവ് ആണ് സംഗീതവും പശ്ചാത്തല സംഗീതവും നിർവ്വഹിക്കുന്നത്.
ഡ്രീം ബിഗ് ഫിലിംസ് കേരളത്തിലും ഫാർസ് ഫിലിംസ് വിദേശത്തും ചിത്രം വിതരണത്തിനെത്തിക്കുന്നു.
