​യുഡിഎഫ് വനിതാ സംഘടനകളുടെ ജനകീയ ക്യാമ്പയിൻ മുവാറ്റുപുഴയിൽ ആവേശം വിതറി ഡോ. മാത്യു കുഴൽനാടന്റെ തെരഞ്ഞെടുപ്പ് പ്രചാരണം

​യുഡിഎഫ് വനിതാ സംഘടനകളുടെ ജനകീയ ക്യാമ്പയിൻ: മുവാറ്റുപുഴയിൽ ആവേശം വിതറി ഡോ. മാത്യു കുഴൽനാടന്റെ തെരഞ്ഞെടുപ്പ് പ്രചാരണം

​മുവാറ്റുപുഴ: യുഡിഎഫ് സ്ഥാനാർത്ഥി ഡോ. മാത്യു കുഴൽനാടന്റെ തെരഞ്ഞെടുപ്പ് പ്രചാരണത്തിന് കരുത്തുപകർന്ന് യുഡിഎഫ് വനിതാ സംഘടനകളുടെ നേതൃത്വത്തിൽ ജനകീയ ക്യാമ്പയിൻ സംഘടിപ്പിച്ചു. മുവാറ്റുപുഴ നഗരത്തിലെ വിവിധ വ്യാപാര സ്ഥാപനങ്ങൾ, ഭവനങ്ങൾ, ഓട്ടോറിക്ഷ സ്റ്റാന്റുകൾ എന്നിവ കേന്ദ്രീകരിച്ചായിരുന്നു വോട്ട് അഭ്യർത്ഥന.

​മുവാറ്റുപുഴ കേന്ദ്ര കമ്മിറ്റി ഓഫീസിൽ നിന്നും ആരംഭിച്ച ക്യാമ്പയിൻ പി.ഒ ജംഗ്ഷൻ, കച്ചേരിതാഴം, ബി.ഒ.സി, വെള്ളൂർക്കുന്നം, മാർക്കറ്റ്, വൺ വേ ജംഗ്ഷൻ എന്നിവിടങ്ങളിൽ പര്യടനം നടത്തി. സ്ഥാനാർത്ഥി മണ്ഡലത്തിൽ നടപ്പിലാക്കിയ വികസന പ്രവർത്തനങ്ങൾ ഉൾപ്പെടുത്തിയ വികസന രേഖയും പ്രവർത്തകർ വോട്ടർമാർക്ക് വിതരണം ചെയ്തു.

​കോതമംഗലം നഗരസഭ ചെയർപേഴ്സൺ ഭാനുമതി രാജു ക്യാമ്പയിൻ ഉദ്ഘാടനം ചെയ്തു. മഹിളാ കോൺഗ്രസ് ബ്ലോക്ക് പ്രസിഡന്റ് മിനി എൽദോ ചടങ്ങിൽ അധ്യക്ഷത വഹിച്ചു. യുഡിഎഫ് സ്ഥാനാർത്ഥി ഡോ. മാത്യു കുഴൽനാടൻ, കെ.എം സലിം, ഹാജി പി.എസ് സലിം, പി.പി എൽദോസ്, സാബു ജോൺ, നഗരസഭ ചെയർപേഴ്സൺ ജോയ്സ് മേരി ആന്റണി, കെ.എ അബ്ദുൾ സലാം, രാജലക്ഷ്മി കുറുമാത്ത്, സൽമ മൂസ, സുലേഖ മക്കാർ, ഷൈല അബ്ദുള്ള, സീനത്ത് അസീസ്, ഷാന്റി അബ്രഹാം, ആശ ജിമ്മി, രജിത പി, ബിന്ദു ഗോപി, അലക്സി സ്കറിയ തുടങ്ങിയ പ്രമുഖ നേതാക്കൾ പങ്കെടുത്തു സംസാരിച്ചു.

മണ്ഡലത്തിലെ വികസന തുടർച്ചയ്ക്കായി മാത്യു കുഴൽനാടന് വോട്ട് ചെയ്യണമെന്ന അഭ്യർത്ഥനയുമായി നിരവധി വനിതാ പ്രവർത്തകരാണ് തെരുവിലിറങ്ങിയത്.