ദേശീയപാത ഉപരോധം ഷാഫി പറമ്പിൽ എംപിക്ക് ശിക്ഷയും പിഴയും
ദേശീയപാത ഉപരോധിച്ച കേസിൽ വടകര എംപി ഷാഫി പറമ്പിലിനെ പാലക്കാട് ചീഫ് ജുഡീഷ്യൽ മജിസ്ട്രേറ്റ് കോടതി ശിക്ഷിച്ചു 1,000 രൂപ പിഴയും കോടതി പിരിയും വരെ തടവിനുമാണ്
Angel Varghese
101
ദേശീയപാത ഉപരോധം: ഷാഫി പറമ്പിൽ എംപിക്ക് ശിക്ഷയും പിഴയും
പാലക്കാട്: ദേശീയപാത ഉപരോധിച്ച കേസിൽ വടകര എംപി ഷാഫി പറമ്പിലിനെ പാലക്കാട് ചീഫ് ജുഡീഷ്യൽ മജിസ്ട്രേറ്റ് കോടതി ശിക്ഷിച്ചു. 1,000 രൂപ പിഴയും കോടതി പിരിയും വരെ തടവിനുമാണ് ഉത്തരവിട്ടത്.
2022 ജൂൺ 24-ന് വയനാട്ടിൽ രാഹുൽ ഗാന്ധി എംപിയുടെ ഓഫീസ് എസ്എഫ്ഐ പ്രവർത്തകർ തകർത്തതിൽ പ്രതിഷേധിച്ച് പാലക്കാട് ദേശീയപാത ഉപരോധിച്ച സംഭവത്തിലാണ് കോടതി നടപടി. പാലക്കാട് കസബ പോലീസാണ് ഷാഫി പറമ്പിലിനെതിരെ കേസെടുത്തിരുന്നത്. കോടതിയിൽ ഹാജരായ എംപി കുറ്റം സമ്മതിച്ചതിനെ തുടർന്നാണ് മജിസ്ട്രേറ്റ് ശിക്ഷ വിധിച്ചത്. പിഴ തുക അദ്ദേഹം കോടതിയിൽ അടച്ചു.
