വയനാടിന് വൻ നേട്ടം നല്ലൂർനാട് ക്യാൻസർ സെന്ററിൽ അത്യാധുനിക കെട്ടിടം വരുന്നു; മന്ത്രി കെ. മുരളീധരൻ നാളെ ഉദ്ഘാടനം ചെയ്യും
വയനാട് നല്ലൂർനാട് ജില്ലാ ക്യാൻസർ സെന്ററിലെ മോഡൽ ക്യാൻസർ കെയർ സെന്റർ കെട്ടിട നിർമാണ ഉദ്ഘാടനം ജൂലൈ 3 ന് മന്ത്രി കെ. മുരളീധരൻ നിർവഹിക്കും. പുതിയ ഒ.പി ബ്ലോക്ക് ഉദ്ഘാടനം ഉഷ വിജയൻ എം.എൽ.എ നിർവഹിക്കും.
അനില എം കൃഷ്ണൻ 
നല്ലൂർനാട് ക്യാൻസർ സെന്ററിൽ പുതിയ കെട്ടിട നിർമാണം: മന്ത്രി കെ. മുരളീധരൻ നാളെ ഉദ്ഘാടനം ചെയ്യും
മാനന്തവാടി: ആസ്പിരേഷൻ ജില്ലാ പദ്ധതിയുടെ ഭാഗമായി നല്ലൂർനാട് അംബേദ്കർ മെമ്മോറിയൽ ജില്ലാ ക്യാൻസർ സെന്ററിൽ അത്യാധുനിക സൗകര്യങ്ങളോടെ ഒരുങ്ങുന്ന മോഡൽ ക്യാൻസർ കെയർ സെന്റർ കെട്ടിടത്തിന്റെ നിർമാണ ഉദ്ഘാടനം ജൂലൈ മൂന്ന് വെള്ളിയാഴ്ച നടക്കും. ആരോഗ്യ - ദേവസ്വം വകുപ്പ് മന്ത്രി കെ. മുരളീധരൻ ഉച്ചയ്ക്ക് ശേഷം 2:30-ന് നിർമാണ പ്രവൃത്തികളുടെ ഉദ്ഘാടനം നിർവഹിക്കും. വയനാട് ജില്ലയിലെ ക്യാൻസർ ചികിത്സാ രംഗത്ത് വലിയൊരു നാഴികക്കല്ലാകുന്നതാണ് ഈ പുതിയ പദ്ധതി.
ചടങ്ങിൽ മാനന്തവാടി ബ്ലോക്ക് പഞ്ചായത്ത് പ്രസിഡന്റ് മീനാക്ഷി രാമൻ അധ്യക്ഷത വഹിക്കും. ക്യാൻസർ സെന്ററിൽ നവീകരണം പൂർത്തിയാക്കിയ പുതിയ ഒ.പി (OP) ബ്ലോക്കിന്റെ ഉദ്ഘാടനം ഉഷ വിജയൻ എം.എൽ.എ നിർവഹിക്കും. ജില്ലാ കളക്ടർ ഡി.ആർ മേഘശ്രീ, ബ്ലോക്ക് പഞ്ചായത്ത് വൈസ് പ്രസിഡന്റ് സി.പി മൊയ്തീൻ ഹാജി എന്നിവരടക്കമുള്ള പ്രമുഖ ജനപ്രതിനിധികളും ഉദ്യോഗസ്ഥരും ചടങ്ങിൽ പങ്കെടുക്കും. പുതിയ കെട്ടിടം യാഥാർത്ഥ്യമാകുന്നതോടെ കൂടുതൽ രോഗികൾക്ക് മെച്ചപ്പെട്ട ചികിത്സയും സൗകര്യങ്ങളും ലഭ്യമാക്കാൻ സാധിക്കുമെന്നാണ് വിലയിരുത്തൽ.
