അന്യംനിന്നുപോകുന്ന അപൂർവ്വ അനുഷ്ഠാന ഭംഗിയുമായി പൂപ്പടത്തുള്ളൽ അരങ്ങേറി

പാലക്കാട്, മലപ്പുറം മേഖലകളിലെ അപൂർവ്വ അനുഷ്ഠാന കലാരൂപമായ പൂപ്പടത്തുള്ളൽ സോപാനം വേദിയിൽ അരങ്ങേറി. തിരുവരങ്ങിൽ സർപ്പപ്പാട്ടും ദഫ്‌മുട്ടും ഉൾപ്പെടെയുള്ള കലാരൂപങ്ങളും സദസ്സിന്റെ ശ്രദ്ധ നേടി.

അനില എം കൃഷ്ണൻ

Aug 26, 2026 - 22:05

അന്യംനിന്നുപോകുന്ന അപൂർവ്വ അനുഷ്ഠാന ഭംഗിയുമായി പൂപ്പടത്തുള്ളൽ അരങ്ങേറി

കനകക്കുന്ന് സോപാനം വേദിയിൽ കോട്ടവട്ടം തങ്കപ്പനും സംഘവും അവതരിപ്പിച്ച പൂപ്പടതുള്ളൽ

അപൂർവ്വ അനുഷ്ഠാന കലാരൂപമായ പൂപ്പടത്തുള്ളൽ അരങ്ങേറി; തനിമ ചോരാതെ തിരുവരങ്ങിലെ കലാരൂപങ്ങൾ

തിരുവനന്തപുരം:പാലക്കാട്, മലപ്പുറം മേഖലകളിലെ അപൂർവ്വ അനുഷ്ഠാന കലാരൂപമായ 'പൂപ്പടത്തുള്ളൽ' സോപാനം വേദിയിൽ അരങ്ങേറി. പൂക്കൾ കൊണ്ട് അലങ്കരിച്ച വട്ടത്തട്ടുകൾ തലയിലേന്തി വെളിച്ചപ്പാടോടുകൂടിയാണ് കലാകാരന്മാർ വേദിയിലെത്തിയത്. കോട്ടവട്ടം തങ്കപ്പന്റെ നേതൃത്വത്തിലുള്ള 15 അംഗ കേരള കലാഭവൻ നാടൻ കലാസംഘമാണ് ഈ അപൂർവ്വ കലാരൂപം കാണികൾക്ക് മുന്നിൽ അവതരിപ്പിച്ചത്.

ഇതോടൊപ്പം തിരുവരങ്ങ് വേദിയിൽ വൈകിട്ട് അരങ്ങേറിയ വിവിധ പരമ്പരാഗത കലാപരിപാടികളും സദസ്സിന്റെ മനംകവർന്നു. സർപ്പപ്പാട്ടും കളമെഴുത്തും, ദഫ്‌മുട്ട്, അറബന, തോറ്റംപാട്ട് എന്നിവയായിരുന്നു തിരുവരങ്ങിന് മാറ്റ് കൂട്ടിയ മറ്റ് പ്രധാന ഇനങ്ങൾ. വൈവിധ്യമാർന്ന അനുഷ്ഠാന-നാടൻ കലകളുടെ സംഗമത്തോടെ പരിപാടികൾ വിജയകരമായി സമാപിച്ചു.