നാനി ശ്രീകാന്ത് ഒഡേല ചിത്രം ദ പാരഡൈസ് മാസ്സ് ടീസർ പുറത്ത് റിലീസ് സെപ്റ്റംബർ 24 ന്
നാനി നായകനാകുന്ന പാൻ ഇന്ത്യൻ ചിത്രം ദ പാരഡൈസ് ടീസർ പുറത്തിറങ്ങി. അനിരുദ്ധ് സംഗീതം നൽകുന്ന ചിത്രം സെപ്റ്റംബർ 24 ന് എട്ട് ഭാഷകളിൽ തിയേറ്ററുകളിലെത്തും.
Sabari 
നാനി - ശ്രീകാന്ത് ഒഡേല ചിത്രം 'ദ പാരഡൈസ്' ടീസർ പുറത്തിറങ്ങി; ആഗോള റിലീസ് സെപ്റ്റംബർ 24-ന്
കൊച്ചി: തെലുങ്ക് സൂപ്പർ താരം നാനിയും ഹിറ്റ് സംവിധായകൻ ശ്രീകാന്ത് ഒഡേലയും വീണ്ടും ഒന്നിക്കുന്ന പാൻ-ഇന്ത്യൻ ചിത്രം 'ദ പാരഡൈസ്' ടീസർ പുറത്തിറങ്ങി. പ്രേക്ഷകരെ ആവേശത്തിലാക്കുന്ന 1 മിനിറ്റും 42 സെക്കൻഡും ദൈർഘ്യമുള്ള മാസ്സ് ആക്ഷൻ ടീസറാണ് അണിയറപ്രവർത്തകർ പുറത്തുവിട്ടിരിക്കുന്നത്. ചിത്രം 2026 സെപ്റ്റംബർ 24-ന് ആഗോളതലത്തിൽ തിയേറ്ററുകളിലെത്തും.
'ദസറ' എന്ന വൻ വിജയ ചിത്രത്തിന് ശേഷം നാനി-ശ്രീകാന്ത് ഒഡേല കൂട്ടുകെട്ട് വീണ്ടും ഒന്നിക്കുന്ന ഈ ചിത്രം നിർമ്മിക്കുന്നത് സുധാകർ ചെറുകുറിയാണ്. ശ്രീ ലക്ഷ്മി വെങ്കടേശ്വര സിനിമാസിന്റെ (SLV Cinemas) ബാനറിലാണ് ചിത്രം ഒരുങ്ങുന്നത്.
ത്രസിപ്പിക്കുന്ന ആക്ഷൻ രംഗങ്ങളും ബ്രഹ്മാണ്ഡ ദൃശ്യങ്ങളും മാസ്സ് ഡയലോഗുകളുമാണ് ടീസറിന്റെ പ്രധാന ആകർഷണം. വയലൻസിന് ഏറെ പ്രാധാന്യമുള്ള ഒരു ആക്ഷൻ ത്രില്ലറായിരിക്കും ചിത്രമെന്നാണ് ടീസർ നൽകുന്ന സൂചന. 'ജദാൽ' എന്ന കഥാപാത്രമായി നാനിയുടെ കരിയറിലെ ഏറ്റവും വലിയ മാസ്സ് അവതാരമാണ് ചിത്രത്തിൽ കാണാൻ സാധിക്കുക.
ബോളിവുഡ് താരം രാഘവ് ജൂയൽ 'വിക്രം മാലിക്' എന്ന വില്ലൻ കഥാപാത്രമായി ശ്രദ്ധേയമായ ലുക്കിൽ എത്തുന്നു. മുൻപ് പുറത്തിറങ്ങിയ ചിത്രത്തിലെ ആദ്യ ഗാനമായ "ആയാ ഷേർ" വൻ തരംഗമായിരുന്നു. 'ജേഴ്സി', 'ഗാംഗ് ലീഡർ' എന്നീ ചിത്രങ്ങൾക്ക് ശേഷം നാനിയും അനിരുദ്ധ് രവിചന്ദറും ഒന്നിക്കുന്ന ചിത്രം കൂടിയാണിത്. അനിരുദ്ധിന്റെ പശ്ചാത്തല സംഗീതം ടീസറിന് വലിയ ഊർജ്ജമാണ് നൽകുന്നത്.
സമ്പൂർണേഷ് ബാബു, മോഹൻ ബാബു, സോണാലി കുൽക്കർണി, ഈശ്വരി റാവു, രാജ രവീന്ദ്ര, തനികേല ഭരണി തുടങ്ങിയ വൻ താരനിര തന്നെ ചിത്രത്തിലുണ്ട്. തെലുങ്ക്, തമിഴ്, മലയാളം, കന്നഡ, ഹിന്ദി, ബംഗാളി, ഇംഗ്ലീഷ്, സ്പാനിഷ് തുടങ്ങി 8 ഭാഷകളിലാണ് ചിത്രം റിലീസ് ചെയ്യുന്നത്.
അണിയറ പ്രവർത്തകർ:
രചന, സംവിധാനം: ശ്രീകാന്ത് ഒഡേല
നിർമ്മാണം: സുധാകർ ചെറുകുറി (SLV Cinemas)
സംഗീതം: അനിരുദ്ധ് രവിചന്ദർ
ഛായാഗ്രഹണം: സി. എച്ച്. സായ്
എഡിറ്റിംഗ്: നവീൻ നൂലി
പ്രൊഡക്ഷൻ ഡിസൈൻ: അവിനാഷ് കൊല്ല
