കശ്മീരും മിലിറ്ററി ഓപ്പറേഷനും ജയസൂര്യയുടെ പാൻ ഇന്ത്യൻ ചിത്രം ഓപ്പറേഷൻ ത്രാൾ ടീസർ പുറത്തിറങ്ങി

രതീഷ് വേഗ സംവിധാനം ചെയ്യുന്ന ജയസൂര്യ ചിത്രം ഓപ്പറേഷൻ ത്രാൾ ടീസർ പുറത്തിറങ്ങി. കശ്മീർ ഭീകരാക്രമണത്തിന്റെ പശ്ചാത്തലത്തിൽ ഒരുങ്ങുന്ന ചിത്രത്തിന്റെ വിശേഷങ്ങൾ വായിക്കാം.

Vazhoor Jose

Aug 26, 2026 - 17:08

കശ്മീരും മിലിറ്ററി ഓപ്പറേഷനും ജയസൂര്യയുടെ പാൻ ഇന്ത്യൻ ചിത്രം ഓപ്പറേഷൻ ത്രാൾ ടീസർ പുറത്തിറങ്ങി

സിനിമ പോസ്റ്റർ

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

ഓപ്പറേഷൻ ത്രാൾ’ ടീസർ പുറത്തിറങ്ങി: എൻ.ഐ.എ ഓഫീസറായി ജയസൂര്യ; ചിത്രം ഓണം റിലീസിന്

കൊച്ചി:കശ്മീർ താഴ്‌വരയിലെ ത്രാളിൽ നടന്ന ഭീകരാക്രമണത്തിന്റെ പശ്ചാത്തലത്തിൽ ഒരുങ്ങുന്ന മിലിട്ടറി ആക്ഷൻ ചിത്രം ‘ഓപ്പറേഷൻ ത്രാൾ’ ടീസർ പുറത്തിറങ്ങി. എൻ.ഐ.എ (National Investigation Agency) എസ്.പി ഹർഷവർദ്ധൻ എന്ന കേന്ദ്ര കഥാപാത്രത്തെയാണ് ചിത്രത്തിൽ ജയസൂര്യ അവതരിപ്പിക്കുന്നത്. പ്രശസ്ത സംഗീത സംവിധായകൻ രതീഷ് വേഗ തിരക്കഥയെഴുതി സംവിധാനം ചെയ്യുന്ന ചിത്രം പാൻ-ഇന്ത്യൻ തലത്തിൽ അഞ്ച് ഭാഷകളിലാണ് തീയേറ്ററുകളിൽ എത്തുന്നത്.

ഉദ്വേഗം നിറച്ച ആക്ഷൻ രംഗങ്ങളും കശ്മീരിലെ സൈനിക ഓപ്പറേഷനുകളുമാണ് ടീസറിന്റെ പ്രധാന ആകർഷണം. ത്രിഭാഷാ സംഭാഷണങ്ങളോടെ എത്തിയ ടീസറിൽ റിതിക സിംഗിന്റെ ആക്ഷൻ പ്രകടനങ്ങളും ശ്രദ്ധേയമാണ്. ഭീകരവാദത്തിനെതിരെയുള്ള പോരാട്ടത്തിനൊപ്പം രാജ്യസ്നേഹവും മനുഷ്യബന്ധങ്ങളും പ്രമേയമാക്കുന്ന ചിത്രം ഗുഡ്‌വിൽ എന്റർടെയിൻമെന്റ്സിന്റെ ബാനറിൽ ജോബി ജോർജാണ് നിർമ്മിക്കുന്നത്. സായ് കുമാർ, സിദ്ദിഖ്, ആൻസൺ പോൾ, വിനയ് റായ്, അമൈറ ദസ്തൂർ തുടങ്ങിയ വൻ താരനിര തന്നെ ചിത്രത്തിൽ അണിനിരക്കുന്നുണ്ട്.