മുഖ്യമന്ത്രി വി.ഡി. സതീശന്റെ വ്യാജ ചിത്രം പ്രചരിപ്പിച്ചു കാസർകോട് രണ്ടുപേർക്കെതിരെ പോലീസ് കേസ്
മുഖ്യമന്ത്രി വി.ഡി. സതീശന്റെ അർധനഗ്ന ചിത്രം കൃത്രിമമായി നിർമിച്ച് വാട്സാപ്പ് ഗ്രൂപ്പിൽ പ്രചരിപ്പിച്ച സംഭവത്തിൽ കാസർകോട് ചിറ്റാരിക്കാലിൽ രണ്ടുപേർക്കെതിരെ പോലീസ് കേസെടുത്തു
Angel Varghese 
മുഖ്യമന്ത്രി വി.ഡി. സതീശന്റെ വ്യാജ ചിത്രം പ്രചരിപ്പിച്ചു; കാസർകോട് രണ്ടുപേർക്കെതിരെ കേസ്
തിരുവനന്തപുരം: മുഖ്യമന്ത്രി വി.ഡി. സതീശന്റെ അർധനഗ്ന ഫോട്ടോ കൃത്രിമമായി നിർമിച്ച് സോഷ്യൽ മീഡിയ വഴി പ്രചരിപ്പിച്ച സംഭവത്തിൽ രണ്ടുപേർക്കെതിരെ പോലീസ് കേസെടുത്തു. കാസർകോട് ചിറ്റാരിക്കാൽ സ്വദേശികളായ ഷാജഹാൻ, സ്നേഹജൻ എന്നിവർക്കെതിരെയാണ് ചിറ്റാരിക്കാൽ പോലീസ് നിയമനടപടി സ്വീകരിച്ചത്.
'ഈസ്റ്റ് എളേരി' എന്ന പ്രാദേശിക വാട്സാപ്പ് കൂട്ടായ്മയിലാണ് പ്രതികൾ മുഖ്യമന്ത്രിയുടെ പ്രകോപനപരമായ വ്യാജ ചിത്രം പോസ്റ്റ് ചെയ്തത്. സമൂഹത്തിൽ മനഃപൂർവം കലാപവും ലഹളയും ഉണ്ടാക്കുക എന്ന ലക്ഷ്യത്തോടെയാണ് പ്രതികൾ ഈ കൃത്യം നിർവഹിച്ചതെന്ന് പോലീസിന്റെ പ്രഥമ വിവര റിപ്പോർട്ടിൽ (FIR) വ്യക്തമാക്കുന്നു.
ഈസ്റ്റ് എളേരി മണ്ഡലം കോൺഗ്രസ് കമ്മിറ്റി പ്രസിഡന്റ് കെ.എ. ജോർജ് നൽകിയ ഔദ്യോഗിക പരാതിയുടെ അടിസ്ഥാനത്തിലാണ് പോലീസ് നിലവിൽ പ്രതികൾക്കെതിരെ കേസെടുത്ത് അന്വേഷണം ആരംഭിച്ചിരിക്കുന്നത്. സൈബർ നിയമപ്രകാരമുള്ള കർശന നടപടികളിലേക്ക് പോലീസ് കടക്കുമെന്നാണ് സൂചന.
