50 കോടി ക്ലബ്ബിൽ ഇടംപിടിച്ച് എക്കോ
50 കോടി ക്ലബ്ബിൽ ഇടംപിടിച്ച് എക്കോചിത്രം ഡിസംബർ 31-ന് നെറ്റ്ഫ്ലിക്സിലേക്ക്
Pratheesh Sekhar 
50 കോടി ക്ലബ്ബിൽ ഇടംപിടിച്ച് 'എക്കോ'; ചിത്രം ഡിസംബർ 31-ന് നെറ്റ്ഫ്ലിക്സിലേക്ക്
കൊച്ചി: ബോക്സ് ഓഫീസിൽ തരംഗമായി മാറിയ മിസ്റ്ററി ത്രില്ലർ ചിത്രം 'എക്കോ' (Echo) 50 കോടി ക്ലബ്ബിൽ ഇടംപിടിച്ചു. ഭാഷാഭേദമന്യേ ആഗോളതലത്തിൽ പ്രേക്ഷക-നിരൂപക പ്രശംസ നേടിയ ചിത്രം, റിലീസ് ചെയ്ത് ചുരുങ്ങിയ ദിവസങ്ങൾക്കുള്ളിലാണ് ഈ നേട്ടം കൈവരിച്ചത്. തിയേറ്ററുകളിൽ ഇപ്പോഴും ഹൗസ്ഫുൾ ഷോകളുമായി മുന്നേറുന്ന ചിത്രം ഡിസംബർ 31 മുതൽ പ്രമുഖ ഒടിടി പ്ലാറ്റ്ഫോമായ നെറ്റ്ഫ്ലിക്സിൽ സ്ട്രീമിംഗ് ആരംഭിക്കും.
ദിൻജിത് അയ്യത്താൻ സംവിധാനം ചെയ്ത ചിത്രത്തിന് ബാഹുൽ രമേശാണ് തിരക്കഥയും ഛായാഗ്രഹണവും നിർവ്വഹിച്ചിരിക്കുന്നത്. സന്ദീപ് പ്രദീപിന്റെ കരിയറിലെ ഏറ്റവും മികച്ച പ്രകടനമാണ് ചിത്രത്തിലേതെന്ന് വിലയിരുത്തപ്പെടുന്നു. സൗരബ് സച്ചിദേവ്, വിനീത്, നരേൻ തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്. മുജീബ് മജീദിന്റെ സംഗീതവും വിഷ്ണു ഗോവിന്ദിന്റെ ഓഡിയോയോഗ്രാഫിയും ചിത്രത്തിന്റെ ആവേശം വർദ്ധിപ്പിക്കുന്നു. ആരാധ്യ സ്റ്റുഡിയോസിന്റെ ബാനറിൽ എം.ആർ.കെ. ജയറാമാണ് ചിത്രം നിർമ്മിച്ചിരിക്കുന്നത്.
