നാട്ടിൻപുറങ്ങളിൽ നിരവധി ശുക്രന്മാർ

തദ്ദേശ തിരഞ്ഞെടുപ്പ് പ്രവചനങ്ങളോടൊപ്പം 'ശുക്രൻ' ഫസ്റ്റ് ലുക്കും എത്തി; ബിബിൻ ജോർജ്, ഷൈൻ ടോം ചാക്കോ തുടങ്ങിയവർ പ്രധാന വേഷങ്ങളിൽ എത്തുന്ന

Vazhoor Jose

Dec 12, 2025 - 18:27 Updated: Dec 12, 2025 - 18:28

276

ശുക്രൻ ഡിസംബർ 13-ന്

തദ്ദേശ തിരഞ്ഞെടുപ്പ് പ്രവചനങ്ങളോടൊപ്പം 'ശുക്രൻ' ഫസ്റ്റ് ലുക്കും എത്തി; ബിബിൻ ജോർജ്, ഷൈൻ ടോം ചാക്കോ തുടങ്ങിയവർ പ്രധാന വേഷങ്ങളിൽ

സംസ്ഥാനത്തെ തദ്ദേശസ്വയംഭരണ സ്ഥാപനങ്ങളിലേക്കും നഗരസഭകളിലേക്കുമുള്ള തിരഞ്ഞെടുപ്പ് ഫലം വരുന്ന ഡിസംബർ 13-ന് നാട്ടിൻപുറങ്ങളിൽ നിരവധി 'ശുക്രന്മാർ' ഉദിച്ചുയരും എന്ന പ്രവചനം സിനിമാലോകത്തും ചർച്ചയാകുന്നു. ഇതിനു മുന്നോടിയായി, മലയാളത്തിലെ ഒരുപിടി ജനപ്രിയ അഭിനേതാക്കൾ പ്രധാന വേഷങ്ങളിലെത്തുന്ന 'ശുക്രൻ' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി.

ബിബിൻ ജോർജ്, ഷൈൻ ടോം ചാക്കോ, ചന്തുനാഥ്, കോട്ടയം നസീർ, ആര്യ പ്രസാദ് എന്നിവരാണ് പ്രേക്ഷകർക്ക് മുന്നിലെത്തുന്ന ഈ 'ശുക്രന്മാർ'. ഉബൈനി സംവിധാനം ചെയ്യുന്ന ഈ ചിത്രം ഒരു റൊമാന്റിക് കോമഡി ത്രില്ലർ ഗണത്തിലാണ് ഒരുങ്ങുന്നത്.

കളിക്കൂട്ടുകാരായ രണ്ട് ആത്മസുഹൃത്തുക്കൾ ഒരേ ലക്ഷ്യം നിറവേറ്റാൻ നടത്തുന്ന ശ്രമങ്ങളാണ് ചിത്രത്തിന്റെ പ്രധാന പ്രമേയം. ടിനി ടോം, അശോകൻ, അസീസ് നെടുമങ്ങാട്, ഡ്രാക്കുള സുധീർ, ബാലാജി ശർമ്മ, ബിനു തൃക്കാക്കര, മാലാ പാർവ്വതി, റിയാസ് നർമ്മകല, തുഷാര പിള്ള, ദിവ്യാ എം. നായർ, ജയക്കുറുപ്പ്, ജീമോൻ ജോർജ്, രശ്മി അനിൽ എന്നിവരും ചിത്രത്തിൽ പ്രധാന വേഷങ്ങളിലെത്തുന്നു.

ജീസിനിമാസ്, എസ്.കെ.ജി. ഫിലിംസ്, നീൽ സിനിമാസ് എന്നീ ബാനറുകളിൽ ജീമോൻ ജോർജ്ജ് നിർമ്മിക്കുന്ന ചിത്രത്തിന്റെ സഹ നിർമ്മാതാക്കൾ ഷാജി.കെ.ജോർജും നീൽ സിനിമാസുമാണ്. ഷിജു ടോം, ഗിരീഷ് പാലമൂട്ടിൽ എന്നിവരാണ് എക്സിക്യൂട്ടീവ് പ്രൊഡ്യൂസെർസ്.

സാങ്കേതിക വിഭാഗം:

ഗാനങ്ങൾ: വയലാർ ശരത് ചന്ദ്രവർമ്മ, രാജീവ് ആലുങ്കൽ, രാഹുൽ കല്യാൺ.

സംഗീതം: സ്റ്റിൽജു അർജുൻ.

പശ്ചാത്തല സംഗീതം: സിബി മാത്യു അലക്സ്.

ഛായാഗ്രഹണം: മെൽബിൻ കുരിശിങ്കൽ.

എഡിറ്റിങ്: സുനീഷ് സെബാസ്റ്റ്യൻ.

പ്രൊഡക്ഷൻ കൺട്രോളർ: ദിലീപ് ചാമക്കാല.

ആർട്ട്: അസീസ് കരുവാരക്കുണ്ട്.

കോട്ടയം, കൊച്ചി, കൊല്ലങ്കോട്, പൊള്ളാച്ചി എന്നിവിടങ്ങളിലായി ചിത്രീകരണം പൂർത്തിയാക്കിയ 'ശുക്രൻ' ജനുവരി മധ്യത്തിൽ പ്രദർശനത്തിനെത്തും.