നോർത്ത് പറവൂർ സഹകരണ പരിശീലന കോളേജ് അപേക്ഷാ തീയതി നീട്ടി
സംസ്ഥാന സഹകരണ യൂണിയന്റെ കീഴിലുള്ള നോർത്ത് പറവൂർ സഹകരണ പരിശീലന കോളേജിലെ എച്ച്.ഡി.സി & ബി.എം കോഴ്സുകളിലേക്ക് അപേക്ഷിക്കാനുള്ള അവസാന തീയതി ജൂലൈ 31 വരെ ദീർഘിപ്പിച്ചു
അനില എം കൃഷ്ണൻ 
എറണാകുളം: നോർത്ത് പറവൂരിലെ സഹകരണ പരിശീലന കോളേജിൽ എച്ച്.ഡി.സി & ബി.എം (HDC & BM) കോഴ്സുകളിലേക്കുള്ള അപേക്ഷാ തീയതി നീട്ടി. സഹകരണ വകുപ്പിന് കീഴിലുള്ള സംസ്ഥാന സഹകരണ യൂണിയനാണ് ഇത് സംബന്ധിച്ച ഉത്തരവ് പുറത്തിറക്കിയത്. പുതുക്കിയ തീയതി പ്രകാരം ജൂലൈ 31 വരെ ഉദ്യോഗാർത്ഥികൾക്ക് അപേക്ഷ സമർപ്പിക്കാം.
ഏതെങ്കിലും അംഗീകൃത സർവകലാശാലയിൽ നിന്നുള്ള ബിരുദമാണ് കോഴ്സിന് അപേക്ഷിക്കാനുള്ള അടിസ്ഥാന യോഗ്യത. താല്പര്യമുള്ളവർക്ക് scukerala.gov.in എന്ന ഔദ്യോഗിക വെബ്സൈറ്റ് വഴി അപേക്ഷകൾ സമർപ്പിക്കാവുന്നതാണ്. കോഴ്സുമായി ബന്ധപ്പെട്ട കൂടുതൽ വിവരങ്ങൾ അറിയാൻ 9447077511, 9539168626 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്.
