ഏലിയനായി അൽത്താഫ് സലീം നീരജ് മാധവ് ചിത്രം പ്ലൂട്ടോ ഗ്ലിംപ്സ് വീഡിയോ തരംഗമാകുന്നു
നീരജ് മാധവും അൽത്താഫ് സലീമും ഒന്നിക്കുന്ന സയൻസ് ഫിക്ഷൻ കോമഡി ചിത്രം ‘പ്ലൂട്ടോ’യുടെ ഗ്ലിംപ്സ് വീഡിയോ പുറത്തിറങ്ങി. അന്യഗ്രഹജീവിയായി അൽത്താഫ് എത്തുന്ന ചിത്രത്തിന്റെ വിശേഷങ്ങൾ വായിക്കാം.
A S Dinesh
12
അന്യഗ്രഹജീവിയായി അൽത്താഫ് സലീം; കൗതുകമുണർത്തി 'പ്ലൂട്ടോ' ഗ്ലിംപ്സ് വീഡിയോ പുറത്തിറങ്ങി
കൊച്ചി: മലയാള സിനിമയിൽ പരീക്ഷണാത്മക പ്രമേയങ്ങൾക്കൊണ്ട് ശ്രദ്ധേയനാകുന്ന നീരജ് മാധവിനെ നായകനാക്കി ആദിത്യൻ ചന്ദ്രശേഖർ സംവിധാനം ചെയ്യുന്ന 'പ്ലൂട്ടോ'യുടെ ഗ്ലിംപ്സ് വീഡിയോ പുറത്തിറങ്ങി. അൽത്താഫ് സലീം അന്യഗ്രഹജീവിയായി വേഷമിടുന്നു എന്നതാണ് ചിത്രത്തിന്റെ പ്രധാന ആകർഷണം. വിക്കി എന്ന കഥാപാത്രമായി നീരജ് മാധവ് എത്തുമ്പോൾ മറ്റൊരു ഗാലക്സിയിൽ നിന്ന് അബദ്ധവശാൽ ഭൂമിയിലെത്തുന്ന 'പ്ലൂട്ടോ' എന്ന ഏലിയനായാണ് അൽത്താഫ് പ്രത്യക്ഷപ്പെടുന്നത്.
സയൻസ് ഫിക്ഷൻ കോമഡി വിഭാഗത്തിൽപ്പെടുന്ന ചിത്രം ഓർക്കിഡ് ഫിലിംസ് ഇന്റർനാഷണലിന്റെ ബാനറിൽ രജുകുമാർ, രശ്മി രജു എന്നിവർ ചേർന്നാണ് നിർമ്മിക്കുന്നത്. അജു വർഗീസിന്റെ വേറിട്ട ഗെറ്റപ്പും വീഡിയോയിൽ ശ്രദ്ധേയമാണ്. അർഷ ബൈജു, സുബിൻ ടാർസൻ, ദിനേശ് പ്രഭാകർ, വിനീത് തട്ടിൽ തുടങ്ങി വലിയൊരു താരനിര തന്നെ ചിത്രത്തിലുണ്ട്.
വിഷ്ണു ശർമ്മ ഛായാഗ്രഹണം നിർവ്വഹിക്കുന്ന ചിത്രത്തിന് നിയാസ് മുഹമ്മദാണ് തിരക്കഥയൊരുക്കുന്നത്. സംഗീതം അർക്കാഡോയും എഡിറ്റിംഗ് സനത് ശിവരാജുമാണ്. മലയാള സിനിമയിൽ അത്ര പരിചിതമല്ലാത്ത ഏലിയൻ കോമഡി എന്ന ജോണറിൽ എത്തുന്ന 'പ്ലൂട്ടോ' പ്രേക്ഷകർക്ക് പുതിയൊരു ദൃശ്യാനുഭവമാകുമെന്നുറപ്പാണ്.
