സാക്ഷരതാ മിഷന്റെ ആഭിമുഖ്യത്തിൽ ദിനാചരണം ബിരുദ വിദ്യാർത്ഥികൾക്കായി ഇന്റേൺഷിപ്പ് പദ്ധതിക്കും തുടക്കം
ജില്ലാ സാക്ഷരതാ മിഷന്റെ ആഭിമുഖ്യത്തിൽ സമ്പൂർണ്ണ സാക്ഷരതാ പ്രഖ്യാപന ദിനാചരണവും ബിരുദ വിദ്യാർത്ഥികൾക്കുള്ള ഇന്റേൺഷിപ്പ് പ്രോഗ്രാമും സംഘടിപ്പിച്ചു. ടി. പ്രസാദ് ഉദ്ഘാടനം ചെയ്തു.
അനില എം കൃഷ്ണൻ 
സമ്പൂർണ്ണ സാക്ഷരതാ പ്രഖ്യാപന ദിനാചരണം സംഘടിപ്പിച്ചു; ഇന്റേൺഷിപ്പ് പ്രോഗ്രാമിന് തുടക്കമായി
കണ്ണൂർ: ജില്ലാ സാക്ഷരത മിഷന്റെ ആഭിമുഖ്യത്തിൽ സമ്പൂർണ്ണ സാക്ഷരതാ പ്രഖ്യാപന ദിനാചരണം സംഘടിപ്പിച്ചു. ജില്ലാ പഞ്ചായത്ത് ഹാളിൽ നടന്ന പരിപാടി തദ്ദേശ സ്വയംഭരണ വകുപ്പ് ജില്ലാ ജോയിന്റ് ഡയറക്ടർ ടി. പ്രസാദ് ഉദ്ഘാടനം ചെയ്തു.
കേരളത്തിന്റെ സാക്ഷരതാ മുന്നേറ്റത്തിലെ നാഴികക്കല്ലായ സമ്പൂർണ്ണ സാക്ഷരതാ പ്രഖ്യാപനത്തിന്റെ ഓർമ്മ പുതുക്കുന്നതിനൊപ്പം പുതിയ പഠന പ്രവർത്തനങ്ങൾക്കും പരിപാടി വേദിയായി. സാക്ഷരതാ മിഷൻ ജില്ലാ കോ-ഓർഡിനേറ്റർ ഷാജു ജോൺ ചടങ്ങിൽ അധ്യക്ഷത വഹിച്ചു. വി.ആർ.വി. ഏഴോം മുൻകാല സാക്ഷരതാ പ്രവർത്തനങ്ങളെക്കുറിച്ച് അനുസ്മരണ പ്രഭാഷണം നടത്തി.
ബിരുദ വിദ്യാർത്ഥികൾക്കായുള്ള പ്രത്യേക ഇന്റേൺഷിപ്പ് പ്രോഗ്രാമിനും ചടങ്ങിൽ തുടക്കം കുറിച്ചു. ജില്ലാ അസിസ്റ്റന്റ് കോ-ഓർഡിനേറ്റർ ടി.വി. ശ്രീജൻ, സി. വസന്ത, കെ. കുര്യാക്കോസ് എന്നിവർ പരിപാടിയിൽ സംസാരിച്ചു.
