സംഭവം അദ്ധ്യായം ഒന്ന്
മിസ്റ്ററി ഫാൻ്റസി ത്രില്ലർ സംഭവം അദ്ധ്യായം ഒന്ന് ഫസ്റ്റ് ലുക്ക് പോസ്റ്റർ പുറത്തിറങ്ങി
Vazhoor Jose 
മിസ്റ്ററി ഫാൻ്റസി ത്രില്ലർ 'സംഭവം അദ്ധ്യായം ഒന്ന്'; ഫസ്റ്റ് ലുക്ക് പോസ്റ്റർ പുറത്തിറങ്ങി
കൊച്ചി: കാടിൻ്റെ പശ്ചാത്തലത്തിൽ ഒരുങ്ങുന്ന മിസ്റ്ററി ഫാൻ്റസി ത്രില്ലർ ചിത്രം 'സംഭവം അദ്ധ്യായം ഒന്ന്' സിനിമയുടെ ഫസ്റ്റ് ലുക്ക് പോസ്റ്റർ പ്രകാശനം ചെയ്തു. നവാഗതനായ ജിത്തു സതീശൻ തിരക്കഥയെഴുതി സംവിധാനം ചെയ്യുന്ന ഈ ചിത്രം 'നല്ല സിനിമ പ്രൊഡക്ഷൻസിൻ്റെ' ബാനറിലാണ് നിർമ്മിക്കുന്നത്. ഏറെ ശ്രദ്ധ നേടിയ 'സംഭവം' എന്ന ഷോർട്ട് ഫിലിമിനെ ആസ്പദമാക്കിയാണ് ചിത്രം ഒരുക്കിയിരിക്കുന്നത്.
അസ്ക്കർ അലി, വിനീത് കുമാർ, സിദ്ധാർത്ഥ് ഭരതൻ, സെന്തിൽ കൃഷ്ണ, അസ്സിം ജമാൽ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. പാലക്കാട്, തിരുവനന്തപുരം, വൈക്കം, വെള്ളൂർ എന്നിവിടങ്ങളിലായി ചിത്രീകരണം പൂർത്തിയായ സിനിമ ഉടൻ തിയേറ്ററുകളിലെത്തും.
നവീൻ ഊട്ട കോ-പ്രൊഡ്യൂസറും ആഷ്ന റഷീദ് എക്സിക്യൂട്ടീവ് പ്രൊഡ്യൂസറുമാണ്. നവീൻ നജോസ് ഛായഗ്രഹണവും അർജുൻ പ്രകാശ് എഡിറ്റിംഗും നിർവ്വഹിക്കുന്നു. മറ്റ് അണിയറ പ്രവർത്തകർ: പശ്ചാത്തല സംഗീതം: ഗോഡ് വിൻ തോമസ്, ഓഡിയോഗ്രഫി: വിഷ്ണു ഗോവിന്ദ്, മേക്കപ്പ്: പട്ടണം റഷീദ്, വസ്ത്രാലങ്കാരം: സമീറ സനീഷ്, പ്രൊഡക്ഷൻ കൺട്രോളർ: പ്രവീൺ എടവണ്ണപ്പാറ, ആർട്ട്: സുജിത്ത് കൊല്ലനണ്ടി, സംഘട്ടനം: അഷ്റഫ് ഗുരുക്കൾ, ചീഫ് അസോസിയേറ്റ് ഡയറക്ടർമാർ: മെൽബിൻ മാത്യു, അനൂപ് മോഹൻ
