തെരേസ്യൻ ഫെസ്റ്റ്
മണപ്പുറം സെന്റ് തെരേസാസ് ഹൈസ്കൂളിൽ തെരേസ്യൻ ഫെസ്റ്റ് വർണ്ണാഭമായ സമാപനം
P R Sumeran
100
മണപ്പുറം സെന്റ് തെരേസാസ് ഹൈസ്കൂളിൽ ‘തെരേസ്യൻ ഫെസ്റ്റ്’ വർണ്ണാഭമായ സമാപനം
ആലപ്പുഴ: മണപ്പുറം സെന്റ് തെരേസാസ് ഹൈസ്കൂളിന്റെ 88-ാമത് വാർഷികാഘോഷമായ 'തെരേസ്യൻ ഫെസ്റ്റ് 2025-26' സമാപിച്ചു. സ്കൂൾ അങ്കണത്തിൽ നടന്ന പൊതുസമ്മേളനം കോർപ്പറേറ്റ് മാനേജർ റവ.ഫാ. അജീഷ് പുതുശ്ശേരി സി.എം.ഐ ഉദ്ഘാടനം ചെയ്തു. സ്കൂൾ മാനേജർ റവ.ഫാ. ജെയിംസ് പുതുശ്ശേരി സി.എം.ഐ ചടങ്ങിൽ അദ്ധ്യക്ഷത വഹിച്ചു.
തൈക്കാട്ടുശ്ശേരി ഗ്രാമപഞ്ചായത്ത് പ്രസിഡന്റ് കവിത സജീവൻ വിവിധ മേഖലകളിൽ കഴിവ് തെളിയിച്ച പ്രതിഭകളായ വിദ്യാർത്ഥികളെ ആദരിച്ചു. വാർഡ് അംഗം രതി നാരായണൻ, പി.ടി.എ പ്രസിഡന്റ് ദിപു എസ് പിള്ള, സ്റ്റാഫ് സെക്രട്ടറി അജു ഡേവിസ്, സ്കൂൾ ലീഡർ അനഘ രവികുമാർ എന്നിവർ ആശംസകൾ അർപ്പിച്ചു.
സ്കൂൾ ഹെഡ്മിസ്ട്രസ് റെജി എബ്രഹാം പി സ്വാഗതവും, സീനിയർ അസിസ്റ്റന്റ് വിൻസി മോൾ ടി.കെ നന്ദിയും പറഞ്ഞു. പൊതുസമ്മേളനത്തിന് ശേഷം വിദ്യാർത്ഥികളുടെ വിവിധങ്ങളായ കലാപരിപാടികൾ അരങ്ങേറി.
