മൂവാറ്റുപുഴയിൽ എംപ്ലോയബിലിറ്റി സെൻ്റർ രജിസ്ട്രേഷൻ ക്യാമ്പ്; സ്വകാര്യ മേഖലയിൽ നിരവധി തൊഴിലവസരങ്ങൾ
മൂവാറ്റുപുഴ ടൗൺ എംപ്ലോയ്മെന്റ് എക്സ്ചേഞ്ചിൽ മാർച്ച് 16 ന് സ്വകാര്യ മേഖലയിലെ തൊഴിൽ രജിസ്ട്രേഷൻ ക്യാമ്പ് നടക്കുന്നു. സൗജന്യ ട്രയിനിംഗും കൗൺസിലിംഗും ലഭിക്കും.
അനില എം കൃഷ്ണൻ 
മൂവാറ്റുപുഴയിൽ സ്വകാര്യ മേഖലയിലേക്കുള്ള ജോലി രജിസ്ട്രേഷൻ ക്യാമ്പ് മാർച്ച് 16-ന്
മൂവാറ്റുപുഴ: എറണാകുളം ജില്ലാ എംപ്ലോയ്മെൻ്റ് എക്സ്ചേഞ്ചിനോടനുബന്ധിച്ചുള്ള എംപ്ലോയബിലിറ്റി സെൻ്ററും മൂവാറ്റുപുഴ ടൗൺ എംപ്ലോയ്മെന്റ് എക്സ്ചേഞ്ചും സംയുക്തമായി സ്വകാര്യ മേഖലയിലെ പ്രമുഖ സ്ഥാപനങ്ങളിലേക്ക് തൊഴിൽ അവസരമൊരുക്കുന്നു. ഇതിനായുള്ള രജിസ്ട്രേഷൻ ക്യാമ്പ് മാർച്ച് 16-ന് രാവിലെ 10.30 മുതൽ ഉച്ചക്ക് 3.30 വരെ മൂവാറ്റുപുഴ മിനി സിവിൽ സ്റ്റേഷനിൽ പ്രവർത്തിക്കുന്ന ടൗൺ എംപ്ലോയ്മെൻ്റ് എക്സ്ചേഞ്ചിൽ വെച്ച് നടക്കും.
എംപ്ലോയ്മെൻ്റ് എക്സ്ചേഞ്ചിൽ പേര് രജിസ്റ്റർ ചെയ്തവർക്കും അല്ലാത്തവർക്കും ഈ ക്യാമ്പിൽ പങ്കെടുക്കാം. 300 രൂപ ഫീസ് അടച്ച് ആജീവനാന്ത ഒറ്റത്തവണ രജിസ്ട്രേഷൻ പൂർത്തിയാക്കുന്നവർക്ക് സൗജന്യ സോഫ്റ്റ് സ്കിൽ ട്രയിനിംഗ്, കരിയർ കൗൺസിലിംഗ്, കമ്പ്യൂട്ടർ ട്രയിനിംഗ് (MS Office) എന്നിവ ലഭിക്കുന്നതാണ്.
താൽപ്പര്യമുള്ള ഉദ്യോഗാർത്ഥികൾ തിരിച്ചറിയൽ രേഖ (ആധാർ/വോട്ടേഴ്സ് ഐ.ഡി/ പാസ്പോർട്ട്/ പാൻ കാർഡ്), സാധുതയുള്ള ഇമെയിൽ ഐ.ഡി, ഫോൺ നമ്പർ എന്നിവ സഹിതം നിശ്ചിത സമയത്ത് എത്തിച്ചേരണം. കൂടുതൽ വിവരങ്ങൾക്ക് താഴെ പറയുന്ന നമ്പറുകളിൽ ബന്ധപ്പെടുക: 6282442046, 9446926836, 0484-2422452, 9446025780.
