ചോദ്യപേപ്പർ ചോർച്ചാ വിവാദം ഫാസ്റ്റ് ട്രാക്ക് കോടതിയും പുതിയ ബില്ലും പ്രഖ്യാപിച്ച് പ്രധാനമന്ത്രി
ചോദ്യപേപ്പർ ചോർച്ചാ വിവാദത്തിൽ പ്രതികൾക്കെതിരെ ശക്തമായ നടപടികളുമായി കേന്ദ്രസർക്കാർ. അടുത്ത ആഴ്ച പാർലമെന്റിൽ പുതിയ ബിൽ കൊണ്ടുവരുമെന്ന് പ്രധാനമന്ത്രി നരേന്ദ്ര മോദി വ്യക്തമാക്കി.
Angel Varghese 
ചോദ്യപേപ്പർ ചോർച്ച: പ്രതികൾക്കെതിരെ കൂടുതൽ ശക്തമായ നടപടി; അടുത്ത ആഴ്ച പാർലമെന്റിൽ ബിൽ കൊണ്ടുവരുമെന്ന് പ്രധാനമന്ത്രി
ന്യൂഡൽഹി: ചോദ്യപേപ്പർ ചോർന്ന വിവാദത്തിൽ പ്രതികൾക്കെതിരെ വെള്ളിയാഴ്ചത്തെ കേന്ദ്ര മന്ത്രിസഭായോഗത്തിൽ കൂടുതൽ ശക്തമായ നടപടികളുണ്ടാകുമെന്ന് പ്രധാനമന്ത്രി നരേന്ദ്ര മോദി. വ്യാഴാഴ്ച രാത്രി വൈകി പുറത്തുവിട്ട വീഡിയോ സന്ദേശത്തിലാണ് പ്രധാനമന്ത്രി ഇക്കാര്യം വ്യക്തമാക്കിയത്.
ചോദ്യപേപ്പർ ചോർച്ച കേസുകൾ കൈകാര്യം ചെയ്യാൻ ഫാസ്റ്റ് ട്രോക്ക് കോടതി സ്ഥാപിക്കുമെന്ന് ദൽഹി ഹൈക്കോടതി പ്രഖ്യാപിച്ചതിനു പിന്നാലെയാണ് എക്സിലൂടെ മോദിയുടെ വീഡിയോ സന്ദേശം എത്തിയത്. വിഷയത്തിൽ ഒറ്റ ദിവസം തന്നെ പ്രധാനമന്ത്രി നടത്തുന്ന രണ്ടാമത്തെ പ്രതികരണമാണിത്. മന്ത്രാലയ ശക്തമായ പ്രതിഷേധം തുടരുന്നതിനിടയിലാണ് പ്രധാനമന്ത്രിയുടെ നിർണായക പ്രഖ്യാപനം.
“സുഹൃത്തുക്കളേ, ചോദ്യപേപ്പർ ചോർച്ച എന്നത് ഒരു ചെറിയ പ്രശ്നമല്ലെന്ന് എനിക്കറിയാം. ലക്ഷക്കണക്കിന് വിദ്യാർത്ഥികൾക്കും അവരുടെ കുടുംബങ്ങൾക്കും ഇത് കടുത്ത മാനസിക വിഷമമാണ് ഉണ്ടാക്കുന്നത്. അതുകൊണ്ടാണ് കഴിഞ്ഞ രണ്ടു മാസത്തിനിടയിൽ നിരവധി കർശന നടപടികൾ ഞങ്ങൾ കൈക്കൊണ്ടത്. കുറ്റവാളികളെ ഇതിനകം തന്നെ പിടികൂടി ജയിലിലടച്ചിട്ടുണ്ട്. വിദ്യാർത്ഥികളുടെ ഒരു വർഷം പോലും നഷ്ടപ്പെടുന്നില്ലെന്ന് ഉറപ്പാക്കുകയാണ് സർക്കാരിന്റെ പ്രധാന ഉത്തരവാദിത്തം. അതിനാലാണ് പരീക്ഷകൾ എത്രയും വേഗം വീണ്ടും നടത്താൻ തീരുമാനിച്ചത്” - പ്രധാനമന്ത്രി പറഞ്ഞു.
കടുത്ത ശിക്ഷ ഉറപ്പാക്കാൻ അടുത്ത ആഴ്ച പാർലമെന്റിൽ ബിൽ കൊണ്ടുവരുമെന്നും പ്രധാനമന്ത്രി വ്യക്തമാക്കി. അതേസമയം, കേന്ദ്രമന്ത്രി ധർമേന്ദ്ര പ്രധാനിന്റെ രാജിപ്പറ്റി വീഡിയോയിൽ ഒരു പരാമർശവും മോദി നടത്തിയില്ല.
